Калајџиев: Односот на власта кон Јавното обвинителство е непристоен, нѐ очекува „од лошо полошо“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Калајџиев: Односот на власта кон Јавното обвинителство е непристоен, нѐ очекува „од лошо полошо“

19 декември 2025

• од Станча Јаќимовски

Професорот по кривично право Гордан Калајџиев остро ја критикува власта за нејзиниот однос кон Јавното обвинителство, оценувајќи дека начинот на кој една година се однесувала кон државниот јавен обвинител е срамота за држава што се декларира како правна. Во разговор за „Локално“, во пресрет на изборот на нов јавен обвинител, Калајџиев предупредува дека состојбите во обвинителството и судството може дополнително да се влошат.

Коментирајќи го заминувањето на државниот јавен обвинител Љупчо Коцевски од функцијата и неговиот конфликтен однос со Владата, која претходно предложи негово разрешување, Калајџиев вели дека одговорноста за лошите состојби во Обвинителството не може да се избегне.

„Има од сѐ по нешто. Јас бев првиот што јавно кажа дека човекот не ветува. Објективно, како прв човек во Обвинителството е најодговорен за лошите состојби таму. Посебно грди беа судирите внатре во самата организација. А дека власта си сака ‘свој’ обвинител не е тајна“, истакнува професорот.

Според него, односот на извршната власт кон Јавното обвинителство е непристоен и политички мотивиран. Како што нагласува, „тоа што си играа со државниот обвинител цела година е срамота за една држава што сака да биде правна држава“.

Калајџиев укажува дека македонското општество е „жедно за обвинител со интегритет“, но не гледа основа за оптимизам. Според него, актуелната власт отворено ги дели судиите и обвинителите на „наши“ и „нивни“, што директно го поткопува принципот на независност на правосудството.

„Оттука не сум оптимист“, вели тој.

Професорот предупредува и на можноста од реваншизам со изборот на новиот предводник на Јавното обвинителство.

„Како стојат работите, тоа нѐ очекува. Од лошо полошо“, оценува Калајџиев, додавајќи дека ваквата поделба на позициите во судството и обвинителството е јасен сигнал дека вистинската моќ сѐ уште ја имаат политичките и бизнис-елитите.

„Далеку е од нас правната држава. Господ на помош. Не гледам кој може да не извлече од оваа кал“, предупредува Калајџиев.