Калас: С. Македонија да ги внесе Бугарите во уставот за почеток на преговорите со ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Калас: С. Македонија да ги внесе Бугарите во уставот за почеток на преговорите со ЕУ

23 мај 2025

• од Вардарски

Високата претставничка на Европската Унија за надворешна политика и безбедност, Каја Калас, ја повика Северна Македонија да ги преземе следните неопходни чекори за почеток на пристапните преговори со ЕУ. Повикот доаѓа во контекст на постојаната поддршка на Брисел за евроинтегративниот процес на земјата.

„Патот кон членство не е лесен, но мојата порака е да се држите до тој курс и да ги преземете следните неопходни чекори за почеток на преговорите. ЕУ ќе продолжи да ѝ помага на Северна Македонија во зајакнување на владеењето на правото, борбата против корупцијата и модернизацијата на јавната администрација“, изјави Калас на заедничка прес-конференција со македонскиот премиер Христијан Мицкоски во Скопје.

Калас посочи дека Албанија и Црна Гора се добри примери дека напредок е можен кога постои политичка волја. Таа потсети дека во јуни 2022 година македонскиот парламент го усвои таканареченото „француско предлог-решение“, според кое Северна Македонија треба да ги вклучи Бугарите во Преамбулата на Уставот како услов за напредок во преговорите со ЕУ.

„Веруваме дека интеграцијата на Западен Балкан во ЕУ е најдобрата гаранција за мир и стабилност во регионот“, истакна Калас.

Таа нагласи дека Северна Македонија е првиот корисник на Планот за економски раст за Западен Балкан, и прва земја од регионот што потпишала договор за безбедносна и одбранбена соработка со ЕУ. „Вашата надворешна политика во голема мера се совпаѓа со заедничката надворешна политика на Унијата, што е особено значајно во овие турбулентни геополитички времиња. Вашето учество во мисијата на ЕУ во Босна и Херцеговина е доказ за тоа дека сте доверлив партнер“, додаде таа.

На прашањето дали ЕУ има „План Б“ во случај да не се реализира пристапниот процес, Калас одговори: „Фокусираме на План А и се обидуваме да го направиме успешен. Ако се насочиме кон План Б, тогаш План А го губи значењето. Сè уште веруваме во План А и ќе го следиме тој пат“.

Таа заклучи дека интеграцијата на Западен Балкан е клучна за стабилноста на континентот, особено во време на зголемени геополитички тензии ширум светот.