Каранфилова-Пановска: Владата на ВМРО-ДПМНЕ е одговорна за еколошката катастрофа во Вардариште и Дрисла

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Каранфилова-Пановска: Владата на ВМРО-ДПМНЕ е одговорна за еколошката катастрофа во Вардариште и Дрисла

18 септември 2025

• од Тодор Вангелов

Серијата пожари што деновиве ја зафатија депониите Вардариште и Дрисла, предизвикувајќи енормно загадување на воздухот во Скопје, претставува „сериозен екоцид“ за кој директна вина носат институциите под раководство на ВМРО-ДПМНЕ. Ова го изјави заменик-претседателката на СДСМ, Фани Каранфилова-Пановска, во гостувањето во емисијата 24 Анализа на ТВ24.

„Управувањето со Дрисла и Вардариште е надлежност и на општините, и на Градот Скопје, и на централната власт. А ВМРО-ДПМНЕ управува со сите нив – и со општините Гази Баба и Аеродром, и со Град Скопје, и со централната власт“, нагласи Каранфилова-Пановска.

Таа додаде дека за владеењето на ВМРО-ДПМНЕ е карактеристично измислувањето изговори и „домашни и надворешни непријатели“ секогаш кога не постои капацитет за решавање на реалните проблеми.

„Најлесно е, кога сте неспособни да се справите со проблемите, да измислувате непријатели. Тоа е сценарио што секогаш се повторува кога ВМРО-ДПМНЕ е на власт. Наместо да признаат дека немаат капацитет, тие го префрлаат проблемот на други. Но надлежните луѓе кои ги водат ресорите мора да сносат одговорност, а Владата итно да преземе мерки“, порача таа.

Каранфилова-Пановска остро ги критикуваше изјавите на премиерот Христијан Мицкоски, кој прво го минимизираше проблемот, потоа го претстави како „хибридна закана“, а денеска, како што рече таа, ја префрла вината на неидентификувани „други“.

„Неодговорно е премиерот Мицкоски, на еден таков екоцид од кој четири дена не можевме да дишеме, прво да вели дека ‘не е баш така’, дека е од некаква рефлексија, па потоа да зборува за хибридни закани, за на крај да слушнеме сосема друга верзија. Ова е класично релативизирање и прикривање на проблемите“, оцени Каранфилова-Пановска.

Таа апелираше владата и институциите наместо со изговори и обвинувања да се соочат со последиците и да изнајдат трајни решенија за управување со депониите и заштита на здравјето на граѓаните.