Карпош: 26-годишна девојка претепана и ограбена од својот поранешен партнер

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Карпош: 26-годишна девојка претепана и ограбена од својот поранешен партнер

01 септември 2025

• од Станча Јаќимовски

Скопје повторно стана сведок на ужас кој ја потресе јавноста и ја потврди горчливата реалност – насилството и криминалот стануваат секојдневие, а граѓаните се чувствуваат оставени сами на себе.

Во доцните часови на 31 август, околу 22:50 часот, во спортска обложувалница на подрачјето на Карпош, 26-годишна девојка од Скопје била брутално физички нападната од својот поранешен партнер, 27-годишниот Д.К. од Скопје. Ноќната смена, која за многумина значи обичен работен ден, за неа се претворила во кошмар. Освен што ја нападнал, напаѓачот без трошка совест ѝ ја одзел и чантата со лични предмети, оставајќи ја преплашена, повредена и обесчестена на своето работно место.

Инцидентот бил пријавен во СВР Скопје, денеска околу 03:00 часот, а надлежните органи соопштуваат само дека „се преземаат мерки за расчистување на случајот“. Но, дали овие мерки некогаш носат вистинска правда, или сето ова ќе заврши како уште една бројка во долгата листа на нерешени трагедии?

Градот во страв – институциите молчат

Овој немил настан ја отвора болната рана на едно општество во кое младите жени не можат да се чувствуваат безбедни ниту на своето работно место. Граѓаните на Скопје сè повеќе се прашуваат – дали треба да живеат во страв секоја вечер, дали нивните деца и блиски ќе се вратат живи и неповредени дома?

Институциите, пак, повторно реагираат со празни зборови и стандардни формулации. „Се преземаат мерки“ – реченица која сме ја слушнале премногу пати, додека насилството расте, а довербата во системот опаѓа.