Катастрофални штети од снегот и мразот: 90% од јаболковиот род во Преспа уништен

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Катастрофални штети од снегот и мразот: 90% од јаболковиот род во Преспа уништен

08 април 2025

• од Вардарски

Снегот што синоќа ја зафати Преспа, заедно со ниските утрински температури кои паднаа под нулата, предизвикаа огромни штети врз овоштарството во регионот. Според првичните проценки, дури 90 проценти од јаболковите насади се сериозно оштетени, а на некои локации штетите се и целосни, односно 100-процентни.

Горан Стефановски, раководител на Работната единица Ресен при Агенцијата за поттикнување на развојот на земјоделството (АПРЗ), изјави дека студениот бран кој ненадејно ја погоди Преспа има катастрофални последици за овоштарството во регионот.

„Снегот што падна вчера и ноќта, заедно со температурите под нулата кои ќе продолжат и наредните денови, ќе ги уништат сите овоштарници во Преспа. Според нашите првични проценки, штетите се огромни, со околу 90% уништен род, а на некои места и целосно. Проценките ќе бидат прецизни по завршувањето на студениот бран“, истакна Стефановски за МИА.

Во Преспа се наоѓаат над 3000 хектари со јаболкови насади, а најзастапена е сортата ајдарет, која опфаќа околу 60 проценти од вкупните површини. Покрај неа, во регионот се одгледуваат и сорти како муцо, златен делишес, црвен делишес, фуџи и чадел.

Стефановски нагласува дека сите овие сорти се погодени од ненадејниот студ, што значи дека годинашниот род на јаболка во Преспа е практично уништен.

Ова е голем удар за преспанските земјоделци, за кои овоштарството, особено јаболкарството, претставува главен извор на приходи. Очекувањата се дека следат тешки денови, а надлежните институции ќе треба да излезат со итни мерки за поддршка и санација на штетите.