Кочани се збогува со 60-тата жртва од пожарот во Кочани: Погребот ќе се одржи утре

Телото на Александар Карадакоски, кој беше 60-та жртва од трагичниот пожар што се случи во дискотеката „Пулс“ во Кочани, вчера беше транспортирано во С. Македонија од Литванија. По пристигнувањето, телото беше пренесено на Институтот за судска медицина за обдукција.

Погребот на Карадакоски ќе се одржи утре, 8 април, во 14:00 часот, додека од 12:00 часот ќе биде изложен во градската капела во Кочани, каде што ќе може да му оддадат почит сите кои сакаат.

Александар Карадакоски беше најтешко повредениот пациент од трагичниот пожар, со околу 35% изгореници од втор и трет степен на главата, вратот и рацете. Неговиот здравствен статус беше критичен, со тешки изгореници на дишните патишта кои достигнуваа дури 90 проценти. По пожарот, Карадакоски беше пренесен за лекување во Литванија, каде неговата состојба се влоши на 1 април, а на 4 април тој почина поради компликации и откажување на бубрезите.

Иако Карадакоски беше меѓу осомничените за пожарот, според обвинителството, тој бил управител на фирмата која го управувала клубот „Пулс“, но всушност, бил управител на хартија и во реалност работел во самиот локал. По неговата смрт, Обвинителството потврди дека истражната постапка против него ќе биде затворена по прибавување на официјалната документација за смртта.

Ситуацијата околу трагичниот пожар во „Пулс“ продолжува да биде предмет на истрага, додека градот Кочани се збогува со уште една жртва на оваа трагедија. Семејството, пријателите и соработниците на Карадакоски ќе имаат можност да му оддадат почит и да го испратат на последниот пат утре во Кочани.