Колапс на здравството: Македонија во „четвртата економија во Европа“, а пациентите во Битола лечени во рушевини

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Колапс на здравството: Македонија во „четвртата економија во Европа“, а пациентите во Битола лечени во рушевини

31 август 2025

• од Станча Јаќимовски

Додека власта со гордост повторува дека сме „четвртата економија во Европа“, секојдневието на македонските граѓани изгледа како хорор филм. Пратеничката Јована Мојсоска јавно ги објави шокантните фотографии од клиничкиот центар во Битола – институција која со години се претставува како врвен медицински капацитет, а во реалност е симбол на распаднато здравство, беда и институционално слепило.

Битола: наместо клинички центар – руина

Сликите кои стигнаа до Мојсоска прикажуваат јад и мизерија, ѕидови што се распаѓаат, ходници кои повеќе личат на напуштени магацини отколку на место каде треба да се спасуваат човечки животи. „Ова не е клинички центар, ова е болест за очите и за душата“, коментираат граѓаните кои секојдневно се приморани таму да бараат помош.

Политичките елити во луксуз, народот во очај

„Додека народот лежи на кревети кои се распаѓаат и бара лекови кои ги нема, политичките елити безобразно трошат баснословни суми за службени возила и аспарагуси“, напиша Мојсоска на Фејсбук. Таа потсети дека со децении властите имаат игнорантен однос кон јавното здравство, свесно оставајќи го да пропаѓа – додека милиони евра се испумпуваат во комфор за политичарите.

Држава која се распаѓа, народ кој исчезнува

Ова не е само приказна за Битола. Ова е приказна за Македонија во целост. Болниците личат на депонии, лекарите масовно ја напуштаат земјата, пациентите остануваат без надеж. Сите оние што немаат пари за приватни клиники се осудени на страдање во јавни установи кои личат на казамати од минатиот век.

И додека властите се фалат со економски успеси на хартија, реалноста е дека граѓаните на „четвртата економија во Европа“ умираат во услови недостојни за човек.