Колку долго уживаме во пензијата: Во Македонија просечно 11 години, додека во Европа и над 18 години

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Колку долго уживаме во пензијата: Во Македонија просечно 11 години, додека во Европа и над 18 години

14 август 2026

• од Темелко Тошев

Откако ќе го завршат работниот век, македонските граѓани својата тешко заработена пензија ја користат во просек околу 11 години. Оваа бројка е значително помала во споредба со европските земји, каде што пензионерските денови траат многу подолго.

Според податоците со кои располага Фондот за пензиското и инвалидското осигурување (ПИОМ), просечниот век на користење на пензијата во нашата земја е 11 години. Од Фондот истакнуваат дека во моментов не располагаат со прецизни статистички податоци кои би утврдиле дали пензијата подолго ја користат мажите или жените во Македонија.

Во Европа пензионерскиот живот трае многу подолго

За разлика од домашните статистики, меѓународните податоци даваат многу појасна слика и покажуваат значајни разлики меѓу половите. Според податоците на Организацијата за економска соработка и развој (ОЕЦД), во европските развиени земји граѓаните многу подолго уживаат во своите пензионерски денови.

Имено, во земјите од ОЕЦД, жените по напуштањето на пазарот на трудот можат да очекуваат во просек уште 22,8 години живот, додека кај мажите тој просек изнесува околу 18,6 години. Тоа значи дека жените поминуваат просечно околу 4,1 година повеќе во периодот по завршувањето на работниот век во споредба со мажите.

На глобално ниво, статистиката покажува јасна тенденција дека жените генерално живеат подолго по пензионирањето. Кога станува збор за светските рекордери, Јапонија останува на врвот и е меѓу земјите со најдолг очекуван период поминат во пензија, што се должи на високиот животен стандард и долгиот животен век на нацијата.

Овие податоци ја отвораат пошироката слика за тоа колку долго граѓаните во различни делови од светот живеат откако ќе престанат да работат и директно укажуваат на разликите во квалитетот на животот и здравствената заштита.