Контролорите на летање предупредуваат: „Ако системот се изгасне

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Контролорите на летање предупредуваат: „Ако системот се изгасне – остануваме со црн екран“

12 август 2025

• од Станча Јаќимовски

Во првата половина од годината, бројот на прелети над Македонија е зголемен за 12%, и тоа и покрај строгите рестрикции наметнати поради застарената опрема, истакнува Александар Тасевски, претседател на Синдикатот на контролори на летање. Според него, доколку техничките ограничувања се отстранат, сообраќајот би можел да порасне и до 50%, што би донело значително поголеми приходи за државната компанија М-НАВ, наместо дел од тие пари да завршуваат во соседни земји кои имаат капацитет да ги прифатат летовите.

Тасевски објаснува дека новите авиолинии и растот на побарувачката се веќе реалност, но за нивно успешно опслужување потребни се дополнителни контролори на летање. Иако е можно отворање нови позиции, раководството – според него – ја користи аргументацијата за новиот систем и објект како изговор да не се вработуваат потребните кадри.

„И со сегашната опрема, доколку ги немавме техничките ограничувања, со три сектора би можеле да опслужиме 90 авиони на час, наместо сегашните 72. Со четврти сектор и нова опрема – дури 120“, вели тој.

Голем дел од загриженоста доаѓа од состојбата на системот за управување со воздушниот сообраќај. Иако постојната опрема не претставува директна опасност додека работи, таа е стара, недостигаат резервни делови, а клучно – М-НАВ нема бекап-систем како европските контролни центри. „Во случај системот да се изгасне, остануваме со црн екран“, предупредува Тасевски.

Покрај техничките проблеми, тој укажува и на нарушени меѓучовечки односи и контроверзии околу новите вработувања. Проблемот, според него, не е само во платите, туку и во тоа што некои работни места нудат „комоција“ – примање плата без реално извршување на задачите. Заминувањето на искусните кадри го намалува квалитетот на услугите, особено во помошните служби, што дополнително го отежнува работењето на контролорите.