Корубин: „Српскиот свет“ е директна закана за суверенитетот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Корубин: „Српскиот свет“ е директна закана за суверенитетот – ЕУ веќе предупреди

28 јули 2025

• од Станча Јаќимовски

„Ова е став изнесен во мојот фејсбук статус, но и јавно предупредување кое не смее да остане игнорирано.“ – пишува поранешниот пратеник Никица Корубин, отворајќи тема за која, како што вели, пред неколку години било скандалозно дури и да се спомне.

Во јавноста сè повеќе се отвора прашањето за реалната природа на проектот „Отворен Балкан“ и неговата поврзаност со т.н. „српски свет“ – концепт кој, според најновиот извештај на Европскиот парламент, претставува закана за суверенитетот на државите во регионот.

Во статус на својот Facebook профил, Никица Корубин остро се осврнува на оваа тема, потсетувајќи дека до неодамна било речиси табу да се проблематизираат процесите кои денес се јасно именувани како обиди за создавање сфери на влијание – со што, според дефиницијата на ЕУ, се поткопува стабилноста на целиот регион.

„Отворен Балкан е претворен во прокси на ‘српскиот свет’ – концепт кој денес е легитимно означен од сите 27 земји членки на ЕУ како обид за наметнување на регионален хегемонизам.“ – наведува Корубин.

Покрај тоа што медиумскиот простор сè уште е делумно контролиран и наклонет кон вакви наративи, тој предупредува дека политичките елити, аналитичарите и јавните личности продолжуваат да молчат или да даваат релативизаторски и амбивалентни ставови – со што, свесно или не, учествуваат во легитимирањето на концептот.

Корубин остро критикува и што сите аргументи во јавноста се сведуваат на „економски бенефит“, додека во сенка остануваат сериозните прашања за идентитетот, културата и религиозниот упад во внатрешните прашања на Северна Македонија. Според него, ова не е прашање на формални државни средби или економски поврзувања, туку на директно загрозување на државниот и културен интегритет.

„Во светогледот на ‘српскиот свет’, ние не сме субјекти, туку објекти – не партнери, туку вазали. Затоа, одбраната на овој концепт од страна на некои актери во земјава е чист апсурд – одбрана на сопственото непостоење.“ – предупредува тој.

Особено алармантно, според него, е што се отвора сомнеж и проблематизација на трите клучни договори – Преспанскиот со Грција, Договорот со Бугарија и Охридскиот рамковен договор – кои не само што се столб на внатрешната и надворешната стабилност на државата, туку и директен услов за европската интеграција на Северна Македонија.

Корубин прашува: „Кој е ставот на нашите елити за ова јасно предупредување од ЕУ? Зошто молчат? Дали се подготвени да ја жртвуваат државата за да го спасат сопственото политичко влијание и комфор?“

На крај, тој потенцира дека ова не е борба за минатото, туку за иднината – дали државата ќе биде дел од европското семејство или ќе остане заробена во геополитички амбиции кои ја третираат како ничија.