Косовската амбасада револтирана: Македонски полицајци ја нарекле Косово дел од Србија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Косовската амбасада револтирана: Македонски полицајци ја нарекле Косово дел од Србија

05 ноември 2025

• од Станча Јаќимовски

Амбасадата на Косово во Скопје остро реагираше по информациите дека четворица припадници на македонската полиција на социјалните мрежи ја нарекле Косово „срце на Србија“.

Во своето соопштение, амбасадата изрази „длабоко разочарување и загриженост“ поради ваквите изјави, оценувајќи дека тие претставуваат навреда кон државата Косово и се спротивни на духот на пријателските односи меѓу двете земји.

„Очекуваме од институциите на Северна Македонија да реагираат соодветно и да преземат дисциплински мерки против лицата кои со своето однесување ја нарушуваат довербата и меѓудржавните односи“, се наведува во реакцијата на Амбасадата на Косово.

Од Амбасадата исто така порачаа дека ваквите појави не треба да се игнорираат, бидејќи доаѓаат од службени лица кои го претставуваат државниот апарат, па оттаму се очекува професионалност и почит кон соседите.

Во меѓувреме, Министерството за внатрешни работи потврди дека е започната дисциплинска постапка против четворица полицајци, а случајот е проследен до Секторот за внатрешна контрола. Истрагата треба да утврди дали прекршиле службени правила и кодекс на однесување.

Овој случај предизвика бројни реакции во јавноста, а дел од граѓаните на социјалните мрежи повикаа на санкции и на јасна осуда на говорот на омраза од институциите.