Костадиновска-Стојчевска со критика до Љутков: „Зошто навреме не ги пресметавте платите за вработените во културата?“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Костадиновска-Стојчевска со критика до Љутков: „Зошто навреме не ги пресметавте платите за вработените во културата?“

24 април 2025

• од Вардарски

На денешната собраниска седница посветена на пратенички прашања, пратеничката од СДСМ, Бисера Костадиновска-Стојчевска, јавно го праша министерот за култура Зоран Љутков за неисплатените плати на културните работници и за, како што рече, игнорирањето на важечкиот колективен договор.

Во нејзиното обраќање, Костадиновска-Стојчевска укажа на тоа дека постојат системски пропусти во исплатата на платите, особено во делот на нивното усогласување со минималната плата, нешто што, според неа, е пракса секој март. Таа го праша министерот зошто решенијата за платите не биле подготвени навреме и зошто дури на 10 април биле испратени урнек-решенијата до културните установи.

„Министре, ова ќе биде мое прво и последно прашање до вас, затоа што знам дека ги слушате реакциите – не само од мојата партија, туку и од сите граѓани,“ рече пратеничката, нагласувајќи дека очекува транспарентност и отчетност од министерот.

Таа потсети дека Љутков бил дел од СКРМ кога бил потпишан актуелниот колективен договор и го праша дали сега планира да го менува членот 65 од тој договор, кој, според неа, сѐ уште е во целосна сила. Исто така, го праша зошто урнек-решенијата не биле навреме потпишани и дали причина за тоа е евентуално отсуство од државата или недостиг на кадар во Министерството поради користење одмори.

„Ако сте навистина за правда и исправување на криминал, како што тврдите, зошто сега го напаѓате колективниот договор наместо да го спроведувате онака како што е предвидено со закон?“ – праша Костадиновска-Стојчевска.

Прашањата на пратеничката доаѓаат во време кога културните работници повторно се соочуваат со доцнење во исплатата на платите, што дополнително ги продлабочува тензиите во секторот. Одговорот на министерот Љутков се очекува со големо внимание од јавноста и од засегнатите институции.