Костовски: „Зимзоленд“ продолжува да работи и покрај утврдените неправилности и ризикот по безбедноста

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Костовски: „Зимзоленд“ продолжува да работи и покрај утврдените неправилности и ризикот по безбедноста

17 декември 2025

• од Станча Јаќимовски

Советникот од Левица во Советот на Општина Аеродром, Горан Костовски, на прес-конференција предупреди дека лунапаркот „Зимзоленд“ и понатаму функционира и покрај сериозните неправилности утврдени од надлежните служби и отворениот предмет во Јавното обвинителство за можна општа опасност.

Костовски истакна дека наместо итна реакција и затворање на објектот, општинските власти се повикуваат на административни процедури и рокови, со што, како што рече, се префрла одговорноста и се става во втор план безбедноста на граѓаните, а особено на децата кои се најчести посетители на лунапаркот.

Тој потсети дека законските одредби се јасни и предвидуваат итно затворање на објекти кога постои опасност по безбедноста, но оцени дека во овој случај законот не се применува. Според него, и покрај констатираните пропусти од повеќе инспекциски служби, предупредувањата од Град Скопје и реакциите во јавноста, досега не е преземена ниту една конкретна мерка за затворање на „Зимзоленд“ или за отстранување на опасните реквизити.

Костовски нагласи дека советниците од Левица јавно побарале од општината да постапи согласно законските обврски, но наместо конкретни чекори, добиле само уверувања дека „процедурата е во тек“.

На крајот од обраќањето, тој упати јавно прашање до надлежните институции дали ќе реагираат навреме и ќе ја преземат одговорноста, или, како што рече, повторно ќе се чека трагедија за да се преземе соодветна акција.