Ковачев бара објавување на списокот со македонски државјани со бугарски пасоши

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ковачев бара објавување на списокот со македонски државјани со бугарски пасоши

10 ноември 2025

• од Станча Јаќимовски

Бугарскиот европратеник од Европската народна партија, Андреј Ковачев, побара итно усвојување на измените во Законот за бугарско државјанство, со цел дел од личните податоци на лицата кои добиле бугарски пасош да станат јавни.

На средба со бугарски новинари во Брисел, Ковачев изјави дека актуелниот закон е „нелогичен“ и не овозможува соодветно легитимирање на бугарската заедница во Република Северна Македонија.

Јавен регистар за државјанствата

Според предложените измени, при бугарското Министерство за правда би се создавал јавен регистар со ограничен број податоци – името и местото на живеење на лицата кои побарале и добиле бугарско државјанство. Ковачев истакна дека ваквиот чекор ќе покаже „колкава е бугарската заедница во Република Северна Македонија, која поседува бугарски документи за идентификација“.

„Тие се над 170–180 илјади во однос на Македонија, а моментално има уште околу 15–20 илјади барања кои се обработуваат“, нагласи европратеникот.

„Доброволно изразена етничка припадност“

Ковачев објасни дека сите лица кои добиле бугарско државјанство го сториле тоа доброволно, при што доставиле документи и изјави дека нивните предци биле Бугари. Тие приложиле докази од бугарската егзархија, војската или училиштата, и потпишале декларација дека се чувствуваат етнички Бугари.

„Врз таа основа добиле бугарско државјанство“, изјави Ковачев за бугарските медиуми, додавајќи дека измените ќе донесат „поголема транспарентност и почитување на идентитетот на бугарската заедница во Северна Македонија“.