Криминал тежок 220 милиони евра и 150 дивоградби: Кузеска со жестоки критики за ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Криминал тежок 220 милиони евра и 150 дивоградби: Кузеска со жестоки критики за ВМРО-ДПМНЕ

24 август 2025

• од Станча Јаќимовски

Четирите години локална власт на ВМРО-ДПМНЕ донеле разочарувања за граѓаните наместо развој, чиста и функционална средина. Ова денеска на прес-конференција го изјави портпаролката на СДСМ, Богданка Кузеска, посочувајќи дека општините управувани од ВМРО-ДПМНЕ станале центар на тендерски шеми и злоупотреби на народните пари.

Обвинувања за корупција и злоупотреби

Кузеска изјави дека преку фирми блиски до власта систематски се испумпувале средства од граѓаните. Според неа, факт е дека исти фирми постојано добивале милионски тендери и тоа често како единствени понудувачи. „Тоа не е конкуренција, тоа е корупција во најчиста форма“, нагласи таа.

Додека јавните пари се трошеле на партиски бизнис-шеми, жителите биле погодени со поскапи сметки за вода, канализација, смет, а бил зголемен и данокот на промет. Наместо инвестиции во развој, граѓаните добиле нечисти улици, урбанистички хаос и недостиг од сериозни проекти за подобар живот.

Скопје како најголем пример за пропадната локална власт

СДСМ ја посочи метрополата како најилустративен пример за, како што велат, катастрофалната локална власт на ВМРО-ДПМНЕ.

„Четири години ВМРО-ДПМНЕ управува со Скопје – преку Советот, јавните претпријатија и сите механизми на локалната власт. Резултатот е град преполн со смет, хаос во јавниот превоз и без ниту еден нов капитален проект,“ изјави Кузеска.

Според неа, јавните претпријатија се пред распад, урбанистичкиот ред е целосно нарушен, а Скопје е задушено од сообраќајниот хаос и дивоградбите. Кузеска потенцира дека се регистрирани над 150 незаконски градби, криминал вреден над 220 милиони евра и узурпирање на јавниот простор.

Неисполнети ветувања

Клучните ветувања што ВМРО-ДПМНЕ ги даде за главниот град, како бесплатен градски превоз и набавка на 250 еколошки автобуси, според СДСМ, никогаш не се реализираа. „Нема модерен транспорт, нема капитални инвестиции, има само застој и назадување“, додаде Кузеска.

Со тоа, како што порача СДСМ, граѓаните добиле само четири години на разочарување, скандали и коруптивни практики наместо развој и подобар живот.