Кристијан Мицкоски од Малта: „Политичарите не сакаат ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кристијан Мицкоски од Малта: „Политичарите не сакаат ЕУ – таму не можат да крадат“

21 мај 2025

• од Вардарски

Македонски иселеник од Малта, Кристијан Мицкоски, преку видео-обраќање на социјалната мрежа Фејсбук, остро ја критикува политичката елита во Македонија и нивниот однос кон Европската Унија. Според него, токму стравот од транспарентноста и отчетноста што ја бара Унијата е причината зошто дел од македонските политичари ја кочат интеграцијата на земјата.

Во своето видео, Мицкоски направи споредба помеѓу Малта – членка на ЕУ, и Македонија – земја која со години тапка во место на патот кон Унијата. Тој посочува дека во Малта реализацијата на проектите е транспарентна, а јавноста има увид во секоја фаза од трошењето на јавните средства. За разлика од тоа, според него, во Македонија владее систем каде се краде со пари од граѓаните, без одговорност и без последици.

„Да не беше ЕУ, немаше едно ВЦ да изградиме во државава“, вели Мицкоски, нагласувајќи дека многу проекти и реформи во Македонија се иницирани и поттикнати токму од ЕУ. Тој ја обвини политичката елита дека не ги интересираат европските вредности, ниту пак неправдите што доаѓаат од надвор – затоа што, како што рече, тие си имаат свои династии и егзекутори кои ја уништуваат државата одвнатре.

Мицкоски испрати јасна порака: „Ако влеземе во ЕУ, нема да можат да крадат!“ Според него, токму тоа е вистинската причина за отпорот кон европските интеграции – стравот од загуба на моќта и контролата над државните ресурси.

Неговото видео веќе предизвикува реакции на социјалните мрежи и отвора прашања за тоа дали навистина домашниот отпор кон ЕУ доаѓа од лични и криминални интереси, наместо од наводни национални и идентитетски загрижености.