Кривична пријава против двајца велешани и правно лице поради пожар во нелегален отпад во Шуто Оризари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава против двајца велешани и правно лице поради пожар во нелегален отпад во Шуто Оризари

30 јули 2025

• од Станча Јаќимовски

Единицата за економски и компјутерски криминал при СВР Скопје поднесе кривична пријава до Основното јавно обвинителство Скопје против две физички лица од Велес, М.К. (40) и А.Н. (46), како и против едно правно лице со седиште во општина Шуто Оризари. Пријавата е поднесена поради основано сомнение за сторено кривично дело „Загрозување на животната средина и природата со отпад“, согласно член 230 од Кривичниот законик.

Според информациите од МВР, пријавените во период од најмалку шест месеци, заклучно со 9 јули 2025 година, незаконски управувале со отпад на парцели во општина Шуто Оризари, кои се во сопственост на едниот од осомничените, М.К. Тие без да поседуваат соодветна дозвола за управување со отпад, спротивно на член 64 од Законот за управување со отпад, складирале и транспортирале отпаден материјал.

На 9 јули околу 08:45 часот, складираниот отпад се самозапалил, што резултирало со избувнување на голем, неконтролиран пожар. Пожарот предизвикал сериозна еколошка закана, а Единицата за атомска, биолошка и хемиска одбрана на Армијата на Република Северна Македонија извршила мерења на загаденоста на воздухот. Притоа било утврдено зголемено ниво на загадување како резултат на горењето на отпадот.

Надлежните институции преземаат понатамошни мерки за расчистување на случајот и утврдување на сите одговорни лица. Истрагата е во тек.