Кривична пријава против поранешен градоначалник на Лозово за злоупотреба на службена положба

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава против поранешен градоначалник на Лозово за злоупотреба на службена положба

18 април 2025

• од Вардарски

Секторот за внатрешни работи – Штип поднесе кривична пријава против тројца лица, меѓу кои и поранешниот градоначалник на општина Лозово, поради основано сомнение за сторено кривично дело „злоупотреба на службена положба и овластување“.

Пријавени се А.В. (48) од Лозово, кој во 2018 година ја извршувал функцијата градоначалник, како и Т.Г. (51) и Л.Л. (68), двајцата од Скопје. Според информациите на полицијата, А.В. во текот на својот мандат овозможил на едно правно лице од селото Студеничани да се стекне со противправна имотна корист во износ од 205.800 денари, со што го оштетил буџетот на општина Лозово.

Конкретно, на 1 ноември 2018 година, А.В. донел одлука за спроведување на јавна набавка за изградба на пешачка патека на улицата „Октомвриска револуција“ во Лозово. За изведувач на работите било избрано правното лице кое го назначило Т.Г. како управител на градбата. Изградбата била завршена во март 2019 година, но во градежната документација – градежна книга и дневник – биле внесени лажни податоци за наводно поставени 381 квадратен метар бекатон плочки, во вредност од 205.800 денари.

Овие документи биле потпишани од Т.Г. и Л.Л., кој бил ангажиран како надзорен орган на проектот. И покрај тоа што А.В. бил свесен дека прикажаната сума не соодветствува со реално извршените работи, сепак дозволил да се изврши целосната исплата на наведената вредност.

Со оваа постапка, тројцата пријавени се соочуваат со кривична одговорност за нанесување финансиска штета на општинскиот буџет и злоупотреба на својата службена позиција. Надлежните органи продолжуваат со постапката.