Кривична пријава против тројца полицајци од Кочани поради пожарот во дискотеката „Пулс“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава против тројца полицајци од Кочани поради пожарот во дискотеката „Пулс“

25 април 2025

• од Вардарски

Одделот за внатрешна контрола, криминалистички истраги и професионални стандарди при Министерството за внатрешни работи поднесе кривична пријава против тројца полициски службеници од Полициската станица Кочани. Пријавата е доставена до Основното јавно обвинителство за гонење на организиран криминал и корупција - Специјализираното одделение за гонење на кривични дела сторени од лица со полициски овластувања и припадници на затворска полиција.

Тројцата полициски службеници, К.Б., Г.Л. и А.Т., се товарат за сторено кривично дело „злоупотреба на службената положба и овластување“, по член 353 став 1 од Кривичниот законик.

Според информациите, првопријавениот К.Б., кој во моментот на извршувањето на делото бил помлад инспектор-водич на безбедносен реон во Полициската станица Кочани, на 7 октомври 2023 година, заедно со второпријавениот Г.Л., инспектор за прифат-сменоводител, на 25 ноември 2023 година, по спроведена акциска контрола во кабарето „Пулс“, констатирале прекршок според Законот за прекршоци против јавниот ред и мир. Тие, сепак, изготвиле записници и прекршочни платни налози на неактивно правно лице ДПТУ Класик ДМ ДОО Кочани и на одговорното лице Д.Ј., иако биле свесни дека уште на 15 февруари 2023 година правното лице било пререгистрирано како ДПТУУ ММММ Кафе ДООЕЛ Кочани - подружница кабаре „Пулс“, со ново одговорно лице, М.С. Со ваквото постапување, тие овозможиле имотна корист за новорегистрираното правно лице и неговото одговорно лице.

Третопријавениот А.Т., кој во тоа време бил командир на Полициската станица Кочани, во два наврати на 1 февруари и 7 февруари 2024 година, одобрил и потпишал барања за поведување прекршочни постапки против истото неактивно правно лице и истото одговорно лице Д.Ј. Овие барања ги доставил до Основниот суд Кочани – Одделение за прекршоци, иако бил информиран за новата регистрација на правното лице.

Постапката против тројцата полицајци се води во рамките на поширока истрага за настаните поврзани со пожарот во дискотеката „Пулс“ во Кочани.