Кривична пријава за непријавување кривично дело или сторител во Македонски Брод

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава за непријавување кривично дело или сторител во Македонски Брод

15 април 2025

• од Вардарски

Секторот за внатрешни работи Битола – Одделението за внатрешни работи Македонски Брод поднесе кривична пријава до Основното јавно обвинителство Кичево против две лица од Македонски Брод, поради основано сомнение за сторено кривично дело „непријавување кривично дело или сторител“, согласно член 364 став 2 во врска со став 1 од Кривичниот законик.

Пријавените се Р.С. (38), директор на Јавната установа Меѓуопштински центар за социјални работи Македонски Брод, и К.В. (44), вработена како социјален работник во истата установа. Според информациите, на 7 март 2025 година, тие добиле телефонска пријава за сериозен случај на полов напад и силување на дете, кое било сместено во згрижувачко семејство и не наполнило 15 години. Осомничениот за делото е лице од Македонски Брод.

И покрај тежината на пријавата, двајцата пријавени не постапиле согласно своите службени обврски. Не биле преземени никакви дејствија за информирање на надлежните институции, ниту пак е покрената постапка за заштита на жртвата, како што тоа го наложуваат Законот за социјална заштита, подзаконските акти и Законот за правда на децата.

Со ова, службените лица свесно пропуштиле да пријават кривично дело за кое им било познато преку службена должност, со што не само што ја попречиле правдата, туку и создале услови за можна повторна виктимизација на детето – жртва на тешко кривично дело.

Случајот предизвика силни реакции во јавноста, а надлежните органи продолжуваат со истрага за понатамошно расчистување на сите околности поврзани со овој сериозен пропуст.