Кривична пријава за поранешниот директор на Здравствен дом Куманово поради злоупотреба на службена должност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава за поранешниот директор на Здравствен дом Куманово поради злоупотреба на службена должност

06 мај 2025

• од Вардарски

Секторот за внатрешни работи (СВР) Куманово поднесе кривична пријава против Ф.А. од Куманово, кој во периодот од 2020 до 2024 година ја извршувал функцијата директор на Јавната здравствена установа (ЈЗУ) „Здравствен дом“ Куманово. Против него се води постапка за сомнение за сторено кривично дело „злоупотреба на службената должност и овластување“ согласно член 353 став 4, во врска со член 45 од Кривичниот законик.

Според информациите на полицијата, Ф.А. во своето директорско работење склучувал незаконски договори на дело и вршел вработувања на лица без претходно добиено одобрение од Министерството за здравство, а потоа и без потребната согласност од Министерството за финансии. Со тоа, незаконски биле вработени вкупно 127 лица, со што биле прекршени одредбите од Законот за работни односи и Законот за трансформација во редовен работен однос, како што е констатирано од Државниот инспекторат за труд.

Поради овие незаконски постапки, пријавениот исплатил плати на вработените во вкупен износ од 21.594.510 денари, со што го оштетил буџетот на ЈЗУ „Здравствен дом“ Куманово за истиот износ.

Случајот сега е во рацете на надлежните органи, а од исходот на постапката ќе зависи понатамошната одговорност на поранешниот директор.