Кривична пријава за три лица поради создавање диви депонии на Вардариште

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава за три лица поради создавање диви депонии на Вардариште

04 септември 2025

• од Станча Јаќимовски

Секторот за внатрешни работи (СВР) Скопје поднесе кривична пријава до Основното јавно обвинителство Скопје против три лица од главниот град, осомничени за кривично дело „загрозување на животната средина и природата со отпад“, согласно член 230 став 1 од Кривичниот законик.

Пријавените, идентификувани како М.М. (54), А.А. (28) и Ф.А. (41), по извршени полициски претреси на локацијата Вардариште, се товарат дека подолг временски период до 2 септември 2025 година незаконски создале депонија на улица „Зендел Џемаил“ бб, спротивно на прописите за заштита на животната средина.

Незаконски пунктови за отпад

Според Министерството за внатрешни работи, тројцата осомничени вршеле дејност на откуп на старо железо, метални производи, акумулатори и обоени метали на импровизирани пунктови за отпад. Тие работеле без регистрирано правно лице, без фирма и без дозвола за управување со отпад, која законски ја издава Министерството за животна средина и просторно планирање.

Со ваквото постапување, како што се наведува, тие оставале и фрлале отпад на диви депонии, го транспортирале непрописно и директно влијаеле врз квалитетот на почвата и воздухот.

Опасност за луѓето и природата

Обезбедените докази упатуваат на основано сомнение дека нивната активност можела да предизвика значително оштетување на животната средина и да создаде опасност за здравјето и животот на луѓето.

СВР Скопје потенцира дека со вакви активности се нарушува јавниот ред и заштитата на природата, поради што случајот е доставен до надлежното обвинителство за понатамошна постапка.