Ладен туш за Мицкоски од Кошта: Без Бугарите во Уставот нема ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ладен туш за Мицкоски од Кошта: Без Бугарите во Уставот нема ЕУ

15 мај 2025

• од Вардарски

Претседателот на Европскиот совет, Антонио Кошта, денеска од Скопје испрати јасна и недвосмислена порака до македонските власти: нема напредок во евроинтеграциите без исполнување на веќе преземените обврски, меѓу кои е и уставното внесување на Бугарите. На заедничката прес-конференција со премиерот Христијан Мицкоски, Кошта потврди дека оваа точка претставува црвена линија за Европската Унија.

„Тоа што е договорено во 2022 година е и денес валидно. Сега треба да се испорача она што е договорено – нема друг пат“, порача Кошта, отфрлајќи можност за алтернатива и нагласувајќи дека „нема план Б“.

Кошта го охрабри премиерот Мицкоски да вложи максимални напори за земјата да продолжи на патот кон членство во ЕУ. Тој потсети дека планот А е јасен – исполнување на копенхашките критериуми и политичките обврски кои произлегуваат од заклучоците на Европскиот совет.

„Разбирам дека веќе се направени големи чекори – сменето е името, знамето, направени се уставни измени. Но сега мора да се исполнат и останатите обврски. Ова е процес кој премногу долго трае, време е за конкретни резултати“, истакна Кошта.

Во неговите обраќања, Кошта ја повтори пораката дека Европската унија останува посветен партнер и дека нема да има нови услови или барања – но дека исполнувањето на договореното е неприкосновено. Тој ја нагласи и важноста на регионалната соработка и инфраструктурните проекти како Коридорите 8 и 10, како дел од европската поддршка за интеграцијата на Македонија.

„Ги поздравуваме напорите што Република Северна Македонија ги направи досега. Сега е време за резултати. Мицкоски знае дека може да смета на мене и на ЕУ за поддршка, но тоа што е договорено – мора да се исполни“, заврши Кошта.

Овие пораки доаѓаат во момент на зголемен политички притисок околу процесот на уставните измени и перспективата на земјата во ЕУ. Позицијата на Брисел е сè појасна: без вклучување на Бугарите во Уставот, Македонија нема да го отвори следниот кластер од преговорите.