Лажните дипломи – јавна тајна што конечно добива институционален одговор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Лажните дипломи – јавна тајна што конечно добива институционален одговор

13 мај 2025

• од Вардарски

Министерката за образование и наука на Република Северна Македонија, Весна Јаневска, во своето неодамнешно излагање остро се осврна на проблемот со лажните дипломи и неквалитетните високообразовни институции. Според неа, ова прашање е одамна познато во јавноста, но досега ретко се третирало сериозно и институционално.

„Јавна тајна е, луѓето отворено зборуваат кога се наоѓаат во приватен круг, дека се стекнале со такви дипломи“, изјави Јаневска, но додаде дека доказната постапка е сложена бидејќи во повеќето случаи и двете страни се соучесници во делото – и оној што издава и оној што ја добива дипломата.

Затворени 13 институти, уште 13 под мониторинг

Јаневска соопшти дека досега се затворени 13 научни институти, а уште 13 се под силен мониторинг. Одлуките се резултат на процес на проценка и анализа на реалните капацитети и исполнување на законски критериуми.

„Можеме легално да затвораме институти и затворивме 13. Ќе видиме колку од тие под мониторинг ќе бидат затворени“, додаде министерката.

Дополнително, затворена е и една медицинска студиска програма, а се подготвува и затворање на уште една. „Сè уште го докомплетираме процесот, зашто не би сакала да не биде процедурата како што треба. Ќе продолжиме во истиот правец“, потенцира Јаневска.

Правна рамка и недостатоци

Министерката посочи дека постојат правни недоречености кои го отежнуваат процесот на санкционирање и контрола. Таа најави дека е неопходна измена на повеќе закони, вклучувајќи ги Законот за високо образование, Законот за научно-истражувачка дејност и Законот за иновации, како и ревизија на надлежностите на Агенцијата за квалитет во високото образование (АКВО).

„Има нешта што не се направени во минатото – како што се редовните евалуации од страна на АКВО. За да го затвориме процесот, мора да направиме системски измени“, истакна Јаневска.

Самоиницијативно затворање

Интересен е фактот што, според министерката, по почетокот на институционалната контрола, некои институти сами поднеле барање за затворање, свесни дека не ги исполнуваат критериумите. Тоа, според неа, е показател дека процесот веќе има ефект и предизвикува одговорност.