19 септември 2025
• од Станча Јаќимовски
Либерално-демократската партија (ЛДП) побара итно воведување на електронска белезица за насилниците, откако во Велес се случи двојното убиство во кое Илија, поранешниот партнер на Росица, ја лиши од живот и неа и нејзиниот татко.
Од ЛДП сметаат дека овој трагичен случај е директна последица на тоа што Собранието на 1 април не ги изгласа измените на Законот за спречување и заштита од насилството врз жените и семејното насилство.
„Нашето главно прашање е: дали вие, пратеници и пратенички, сте свесни дека со тоа што на 1 април не се издигнавте над партиските интереси и не дадовте поддршка на измените му овозможивте на Илија ладнокрвно да ги убие Росица и татко ѝ“, изјави Цветанка Геговска од Извршниот одбор на партијата.
Геговска потсети дека, доколку измените предложени од нивната пратеничка и претседателка Моника Зајкова беа веќе усвоени, сторителот ќе носеше електронска белезица и трагедијата немаше да се случи.
Според неа, електронската белезица ја предупредува жртвата кога насилникот ќе се приближи на помалку од 100 метри. „Со оваа мерка ќе се зголеми степенот на заштита и ќе се намали можноста за повторно изложување на насилство. Нека трагедијата на Росица и на татко ѝ биде последна“, порача таа.
ЛДП ги потсети пратениците дека се избрани за да носат одлуки со кои ќе се подобри животот на граѓаните. Од таму апелираат сите, без разлика на политичката, етничката или верската припадност, да гласаат за воведување на електронската белезица и да се стави крај на ваквите трагедии.
Ненадминливи Понуди Дневно
4.8 (10276 рецензии)
Заштедете 152.00 ден

