Левица: Државната лотарија се користи како партиски мегафон и каса за власта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Државната лотарија се користи како партиски мегафон и каса за власта

20 јануари 2026

• од Станча Јаќимовски

Левица денеска преку соопштение обвини дека Државната лотарија е злоупотребена за партиски и пропагандни цели, наместо да функционира во јавен интерес. Според партијата, институцијата продолжува да се користи како „мегафон на власта“, овојпат под раководство поврзано со актуелната владејачка структура.

Во соопштението се наведува дека, по периодот кога Државната лотарија била поврзувана со поранешни функционери, сега таа, како што тврди Левица, функционира како партиска каса под капата на ВМРО-ДПМНЕ и премиерот Христијан Мицкоски.

Партијата обвинува дека месечни хонорари во износ од 35.000 до 60.000 денари им се исплаќаат на инфлуенсери, професори, јавни личности и лица блиски до функционери од власта, при што вкупната сума, според нив, надминува четири милиони денари месечно. Овие средства, како што се наведува, се користат за финансирање на лица кои јавно ја бранат владината политика и, според Левица, „ја шминкаат реалноста“.

„Додека има пари за купување на лојалност, нема средства за покачување на платите, лекови, социјални програми, поддршка за младите и подобрување на условите во училиштата и болниците“, се наведува во реакцијата.

Левица оценува дека станува збор за „учебникарски пример на клиентелистичка држава“, во која институциите се претвораат во ПР-алатки на власта, а јавните средства се користат за партиска самопромоција. Во тој контекст, партијата побара итен и јавен одговор од Државната лотарија и од нејзиниот директор Александар Климовски.

Меѓу прашањата што ги поставува Левица се: по кои критериуми се ангажираат овие лица, кои се нивните конкретни задачи и резултати, каков е јавниот интерес од нивниот ангажман и зошто тие не се евидентирани во базите на јавни информации.

„Во Македонија има пари, но тие не се користат за општествено корисни политики, туку за одржување на партискиот имиџ. Државата не е сиромашна, туку е ограбена и злоупотребена“, се заклучува во соопштението на Левица.