Левица Гевгелија: Над 940.000 евра за улично осветлување – „бонбона тендер“ на грбот на граѓаните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица Гевгелија: Над 940.000 евра за улично осветлување – „бонбона тендер“ на грбот на граѓаните

10 јуни 2025

• од Станча Јаќимовски

Локалната организација на Левица од Гевгелија упати сериозни обвинувања до општинските власти за, како што велат, „нереално високи трошоци“ за одржување на уличното осветлување во градот. Според нивното соопштение, во последните четири години, преку јавни набавки, биле потрошени дури 941.053 евра за оваа намена.

Гевгелија располага со 4.771 сијалично место, што значи дека просечниот трошок за одржување по светилка годишно изнесува околу 50 евра (или околу 3.075 денари). Левица укажува дека оваа бројка е драматично повисока во споредба со соседните општини Богданци и Валандово, каде што истата фирма врши услуги за одржување, но по речиси тројно пониска цена – околу 16 евра по светилка.

Советникот на Левица во Општина Гевгелија, Никола Петров, отворено праша зошто општината плаќа толку високи суми, и зошто наместо тоа не се ангажира локалното јавно претпријатие ЈПКД Комуналец. Според него, со ангажирање на домашен ресурс би се намалиле трошоците, а истовремено би се овозможило рационално користење на буџетските средства.

„Ова е класичен пример за бонбона тендер бизнис. Време е општината да престане да троши пари на штета на јавниот интерес,“ – се наведува во реакцијата на Левица.

Партијата повикува на поголема транспарентност и одговорност во трошењето на јавните средства, особено во време кога граѓаните се соочуваат со економски предизвици и инфлација. Тие бараат одговор од надлежните зошто се толерираат вакви, според нив, сомнителни договори, и зошто не се штити локалниот интерес.