Левица ќе донира плати, а што ќе направат другите пратеници?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица ќе донира плати, а што ќе направат другите пратеници?

28 март 2025

• од Гоце Кически

Во знак на солидарност со семејствата на загинатите во трагичниот настан во Кочани, пратениците на политичката партија Левица објавија дека ќе донираат повеќе од половина од својата мартовска плата. Оваа одлука, како што велат од партијата, е донесена поради големиот интерес на јавноста и бројните прашања кои се поставени во врска со трагедијата.

„Свесни сме дека вистинската поддршка не треба да се темели на индивидуални гестови, туку на системски решенија кои ќе обезбедат сигурност и социјална правда за сите граѓани“, се вели во соопштението на Левица. Според нив, оваа одлука е дел од поширокиот пристап на партијата, која се залага за системски промени кои ќе излезат во пресрет на потребите на погодените, но и на сите оние кои се соочуваат со економска несигурност.

Покрај тоа, Левица изрази критики кон тековната политичка ситуација, наведувајќи дека двонеделната неактивност на Собранието, резултат на политичка оттуѓеност, покажува дека пратениците немаат морално право да ја примат целата плата во месецот во кој не ја извршуваа својата должност во полн капацитет. „Во исто време, сведоци сме на луксузирањето и развратот на Владата, додека народот се бори со трагедии и економска несигурност“, додаваат од Левица.

Од партијата истакнуваат дека оваа донација, иако значајна, не ја менува реалноста. Тие нагласуваат дека државата мора да има социјално проактивна влада и функционално Собрание, кои ќе реагираат навремено и ќе обезбедат поддршка на оние на кои им е најпотребна.

„Само со одговорни и правични политики можеме да изградиме општество во кое нема да се потпираме на поединечна помош, туку на силни и праведни институции“, се заклучува во соопштението на Левица.

Оваа иницијатива на Левица доаѓа во време на голем број јавни критики и недоверба во политичките институции, со оглед на актуелните предизвици со кои се соочува земјата.