Левица обвинува: Министерот Тошковски склучил тендер од 500.000 евра со фирма која ДПМНЕ ја обвинуваше за корупција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица обвинува: Министерот Тошковски склучил тендер од 500.000 евра со фирма која ДПМНЕ ја обвинуваше за корупција

06 мај 2025

• од Вардарски

Партијата Левица јавно обвини дека Министерството за внатрешни работи, предводено од Панче Тошковски, склучило тендер вреден 575.000 евра со компанијата „Дон Холдинг“ — фирма за која, како што потсетуваат од Левица, ДПМНЕ во минатото објавувало наводи за корупција.

„На 25 март, министерството на Тошковски склучи скандалозен тендер со оваа компанија, иако ДПМНЕ, додека беше во опозиција, тврдеше дека МВР под Оливер Спасовски незаконски ѝ доделувало исти вакви тендери“, велат од Левица. Тие потсетуваат дека токму ДПМНЕ ја обвинуваше „Дон Холдинг“ за добивање тендери поради наводна блискост со поранешниот градоначалник на Ѓорче Петров од СДСМ и бараше од обвинителството да отвори постапка.

„Наместо МВР под Тошковски да ги истражи спорните тендери доделени од СДСМ, сега сведочиме дека неговото министерство повторно ги склучува истите сомнителни договори со оваа фирма“, посочуваат од Левица.

Партијата прашува: „Како истата компанија која била обвинувана од ДПМНЕ за коруптивни скандали сега е подобна за Тошковски да ѝ додели тендер од 575.000 евра? Наместо расчистување на криминалите на СДСМ и ДУИ, фирмите кои добивале тендери од претходната власт продолжуваат да бидат бизнис-партнери и на новата влада на Мицкоски.“

Левица го споредува овој случај и со проектот на „Бехтел и Енка“, за кој велат дека, иако нивните закони биле блокирани од Левица, новата влада го продолжува без никаква ревизија, иако претходно најавувала дека ќе ги преиспита сите сомнителни договори.

„Дали е ова политичко лешинарење — делење тендери на фирми за кои сопствената партија претходно обзнанувала криминални скандали и барала истрага?“ — го прашува јавно Левица министерот Тошковски.