Левица: Пратениците од ДПМНЕ, ЗНАМ и ВРЕДИ го одбија предлогот за намалување на патарините за 50%

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Пратениците од ДПМНЕ, ЗНАМ и ВРЕДИ го одбија предлогот за намалување на патарините за 50%

04 април 2025

• од Гоце Кически

С. Македонија ќе продолжи да ги има најскапите патарини во Европа, откако пратениците од ВМРО-ДПМНЕ, ЗНАМ и ВРЕДИ одбија да го поддржат предлогот на партијата Левица за намалување на цената на патарините за 50 проценти.

Предлогот беше изнесен на седница на Собранието од страна на пратеникот на Левица, Реџеп Исмаил, кој остро ги критикуваше пратениците од владејачкото мнозинство поради, како што рече, „некоректниот однос кон обичните граѓани и работниците кои секојдневно патуваат до своите работни места“.

„Не е фер и морално пратеници кои добиваат патни трошоци – во кои се вклучени и трошоците за патарини – да немаат разбирање за маката на граѓаните кои трошат по две до три месечни плати годишно само за патарини. Станува збор за луѓе што немаат алтернатива и мораат да патуваат секојдневно за да стигнат до работа,“ истакна Исмаил.

Од Левица велат дека С. Македонија не само што има екстремно високи цени на патарини, туку истовремено располага со „едни од најлошите и најнебезбедни патишта во Европа“, што според нив е уште еден аргумент зошто цената на патарините мора да се ревидира.

Партијата најави дека ќе продолжи да се бори за, како што велат, социјална правда и правична распределба на трошоците во јавниот сектор, и упати критики до парламентарното мнозинство за „покажаната нечувствителност кон реалните проблеми на народот“.