Левица: Пратениците повторно испумпале 14,4 милиони денари за патни трошоци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Пратениците повторно испумпале 14,4 милиони денари за патни трошоци

10 јануари 2026

• од Станча Јаќимовски

Само во текот на 2025 година од државниот буџет биле исплатени 14,4 милиони денари за патни трошоци на пратениците, што според опозициската партија Левица претставува уште еден доказ за, како што велат, длабоко вкоренетата култура на расипнички функционерски привилегии и целосно отсуство на финансиска и морална одговорност.

Од Левица оценуваат дека ваквите трошоци се особено проблематични во услови на висока инфлација, пад на животниот стандард и секојдневна борба на граѓаните за основна егзистенција. Според партијата, станува збор за институционализиран грабеж и директен удар врз јавниот интерес, при што народните пари се трошат без соодветна контрола и отчетност.

„Патните трошоци се користат како паралелен канал за лично богатење. Станува збор за легализирано извлекување јавни средства без реална врска со вистинските трошоци и без одговорност кон граѓаните кои го полнат буџетот“, наведуваат од партијата.

Дополнително, од Левица посочуваат дека највисоки износи за патни трошоци инкасираат пратеници кои, според нив, се политички анонимни, неактивни и без значаен законодавен или јавен ангажман. Тие ги оценуваат како „пасивни буџетски паразити“, кои јавноста ги препознава исклучиво по сумите што ги наплатуваат, а не по резултатите во служба на граѓаните.

Во соопштението се критикува и владејачката партија ДПМНЕ, за која Левица смета дека со продолжувањето на ваквите исплати демонстрира политичка ароганција и отуѓеност од реалните социјални проблеми. „Додека граѓаните се соочуваат со ниски плати, скапа храна, високи сметки и недостижни кирии, владејачките елити си обезбедуваат дополнителни приходи и комфор без чувство на срам“, велат од партијата.

Левица нагласува дека е единствената парламентарна партија која ниту во претходниот, ниту во актуелниот мандат нема искористено средства за патни трошоци – ниту за гориво, патарини или кирии. Според нив, тоа е доказ дека пратеничкиот мандат треба да се сфати како јавна одговорност и служба во интерес на граѓаните, а не како средство за лична корист и акумулација на привилегии.