Левица: Предложените измени на Кривичниот законик се лажно „враќање“ на правдата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Предложените измени на Кривичниот законик се лажно „враќање“ на правдата

23 декември 2025

• од Станча Јаќимовски

Опозициската партија Левица жестоко ги критикува најновите предлог-измени на Кривичниот законик поднесени од владејачкото мнозинство, оценувајќи дека станува збор за лажно претставување на обид за „враќање на правдата“, додека во суштина се продолжува со систематско разлабавување на казнената политика за висока корупција.

Според Левица, и покрај големото незадоволство кај јавноста поради континуираната корупција и криминал кај носителите на јавни функции, државата не само што не ги заострува санкциите, туку создава услови тие уште полесно да избегнат одговорност.

Последици од измените од 2023 година

Во соопштението се потсетува на измените на Кривичниот законик од 2023 година, со кои, како што наведуваат, застареале над 80 судски предмети, меѓу кои и случаи што се однесувале на функционери и актуелни носители на јавни функции. Левица смета дека тие измени нанеле огромна штета, не само по перцепцијата за правдата, туку и директно по државниот буџет.

„Прашањето веќе не е колку предмети застареа, туку дали по тие измени воопшто ќе има некој функционер што ќе одговара“, велат од партијата.

Игнорирани предупредувања од Уставниот суд

Во февруари годинава Уставниот суд поведе постапка за оценување на уставноста на измените од 2023 година и му даде рок од шест месеци на Собранието да ги коригира спорните решенија. Тој рок, според Левица, бил пробиен, а ветувањата на власта не биле исполнети.

Судот предупредил дека доколку до последната закажана седница, на 24 декември, не се усвојат соодветни измени, ќе пристапи кон укинување или поништување на одредбите.

Брза постапка без јавна дебата

Наместо транспарентен и одговорен процес, од Левица обвинуваат дека власта во последен момент, на 17 декември, поднела нови предлог-измени кои повторно се туркаат по скратена постапка, без јавна расправа, експертска анализа и вклучување на стручната јавност.

Дополнително загрижува, како што велат, фактот што измените сè уште не се закажани ниту за прво читање, што отвора сомнеж дека се подготвува уште едно избрзано и нетранспарентно донесување законски решенија со далекусежни последици.

Поблаги казни и стеснување на одговорноста

Левица укажува дека предложените измени не ги враќаат ниту старите законски решенија, ниту пак се усогласени со Кривичниот законик подготвен од експертска работна група, кој со години не е ставен во употреба.

Како спорни примери се наведуваат:

Стеснување на кривичната одговорност за злоупотреба на службената положба преку бришење на основи за прогон.
Намалување на казните за прибавување значителна имотна корист од најмалку 3–20 години затвор на 1–8 години.
Поблаги санкции за злоупотреби на јавни пари и олеснување на можноста за нивно оспорување.
Ограничување на одговорноста за несовесно работење во службата, со сведување на минимумот на парична казна.

Според партијата, ваквите решенија отвораат простор за побрзо застарување, условни казни и фактичка амнестија за најтешките облици на корупција.

Политички консензус за неказнивост

„Главната вистина е едноставна и непријатна – предметите намерно се чекаа да застарат“, порачуваат од Левица, додавајќи дека за измените од 2023 година постоел широк и тивок консензус меѓу тогашната власт и опозицијата.

Според нив, најновите предлози се само „обланда“ која прикрива уште поголемо разлабавување на казнената политика и отвора пат за идно амнестирање или изрекување симболични казни за висока корупција.

„Со вакви измени правдата не се спасува, туку се поништува“, заклучуваат од Левица.