Левица: Стефковски ја претвори Гази Баба во приватна касичка за другари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Стефковски ја претвори Гази Баба во приватна касичка за другари

03 септември 2025

• од Станча Јаќимовски

Во општина каде улиците се распаѓаат, каде секој пороен дожд претвора цели маала во мочуриште, каде десетици семејства и денес немаат канализација и редовно остануваат без вода – градоначалникот на Гази Баба, Бобан Стефковски од ВМРО-ДПМНЕ, очигледно има други приоритети. Наместо решавање на горливите проблеми на граѓаните, неговата енергија е насочена кон обезбедување милионски тендери за фирмата на неговиот најблизок пријател, велат од Левица.

Пријателството како бизнис-модел

Станува збор за фирмата „ЛАКИТЕРМ“ ДООЕЛ, во сопственост на Мики Милевски – човек кого Стефковски јавно го претставува како свој најдобар пријател. Благодарение на оваа врска, „ЛАКИТЕРМ“ добила тендери со вкупна вредност над 9 милиони денари.

3,6 милиони денари за Државен студентски дом „Скопје“
4,4 милиони денари за студентскиот дом „Томе Стефановски – Сениќ“
1 милион денари за ООУ „Кирил и Методиј“ во Стајковци

Овие бројки се доказ за тоа дека пријателството со градоначалникот е најсигурен пат до јавните пари.

Граѓаните на последно место

Додека граѓаните живеат во нечовечки услови – во кал, без канализација, со загаден воздух и во урбанистички хаос – Стефковски ја користи својата функција како приватен банкомат за најблиските. Наместо инвестиции во инфраструктура и основни услови за живот, јавните средства завршуваат во рацете на „привилегираните“.

Општина со потенцијал, но без визија

Гази Баба има сериозен потенцијал за развој, но под актуелното раководство овој потенцијал се претвора во пропаднат капитал. Наместо стратегија за подобар живот на жителите, Стефковски нуди корупција, клиентелизам и евтини пиар објави.

Прашањето за иднината

Секој ден поминат со ваква власт е нова рана врз Гази Баба. Ќе дозволат ли граѓаните оваа општина повторно да се претвори во „приватна касичка“ за партиски послушници и пријатели на градоначалникот, или конечно ќе стават крај на ова расипништво?

Соопштение на ЛЕВИЦА