Левица: Зголемен број наставници, намален број ученици

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Зголемен број наставници, намален број ученици – 73% од учениците се неписмени

12 јуни 2025

• од Гоце Кически

Партијата Левица остро реагираше на загрижувачката состојба во македонскиот образовен систем, предупредувајќи дека и покрај континуираниот пораст на бројот на наставници, квалитетот на образованието е во слободен пад. Според нивната изјава, само оваа година биле ангажирани над 600 нови наставници, додека бројот на ученици во основното и средното образование се намалил за неколку илјади.

Партијата укажува на сериозни проблеми со функционалната писменост кај младите. Резултатите од меѓународното ПИСА тестирање покажуваат дека 73,6% од учениците на 15-годишна возраст не се способни да читаат со разбирање, 66,2% не ја совладале математиката на основно ниво, а 65,3% имаат потешкотии со разбирањето на основите на природните науки. УНИЦЕФ дополнително алармира дека секое трето дете до 18 години е функционално неписмено.

„За жал, зголемениот број наставници не значи и подобар образовен систем“, велат од Левица, додавајќи дека паралелно со ова, просечниот успех на учениците расте, а сè помалку ученици се испраќаат на поправни испити или повторуваат одделение. „Ова јасно укажува на девалвација на оценките и прикривање на реалната состојба“, се вели во соопштението.

Според Левица, ситуацијата е резултат на децениското владеење на ВМРО-ДПМНЕ, СДСМ и ДУИ, кои, како што велат, преку политички пазар и кадрирање без квалитет, системски го уништуваат образованието.

Во своето обраќање, партијата ја повика јавноста на итна реакција: „Ова не е само статистика, туку аларм за целосен колапс. Ученици без книги, наставници без квалификации, училишта под партиски диктат – ова не е иднината што ја заслужуваат нашите деца.“

Левица повикува на радикални реформи и политичка одговорност од сите досегашни владејачки структури, предупредувајќи дека во спротивно, образовниот систем ќе продолжи да произведува генерации без основни животни и интелектуални алатки.