Љубчо Георгиевски: Рацете на Тито беа до рамења во крв

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Рацете на Тито беа до рамења во крв

14 јули 2025

• од Станча Јаќимовски

Поранешниот македонски премиер Љубчо Георгиевски во своја изјава даде остра анализа за историјата и улогата на Јосип Броз Тито во поранешна Југославија. Според Георгиевски, Тито може да се подели на три различни историски фази, секоја со своја специфична политичка тежина и карактер.

„Тој е Тито како крвав диктатор,“ изјави Георгиевски, алудирајќи на периодот на Втората светска војна и првите години по нејзиното завршување.
„Рацете му беа до рамења во крв. Тоа е периодот до 1956 година,“ додаде тој, нагласувајќи ја репресијата и насилството со кое се одржувала власта.

Во втората фаза, според него, Тито продолжува како жесток диктатор, сè до Брионскиот пленум во 1966 година кога е сменет тогашниот шеф на УДБА, Александар Ранковиќ.

„Тито останува авторитарен до околу 1970 година,“ вели Георгиевски,
„а потоа влегува во третата фаза – на донекаде либерален диктатор.“

Георгиевски смета дека вистинската либерализација на Југославија не се случила за време на животот на Тито, туку по неговата смрт во 1980 година. Според него, тој период од следните десет години бил обележан со повеќе слободи и отвореност.

„Многу луѓе денес не можат да ја направат разликата меѓу Југославија на Тито и Југославија по Тито,“ изјави Георгиевски,
„а токму тогаш почна вистинската либерална фаза на југословенското општество.“

Изјавите на Георгиевски повторно го отворија прашањето за наследството на Тито и неговото влијание врз историјата на регионот.