Лоша вест за многу Македонци: Банкротираше „Лајонес“, неизвесна е судбината и на „Лајконет“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Лоша вест за многу Македонци: Банкротираше „Лајонес“, неизвесна е судбината и на „Лајконет“

21 август 2025

• од Станча Јаќимовски

Кешбек платформата MyWorld, која се спои со „Лајонес“ и подоцна стана нејзин најпознат наследник, е во стечај. Овој развој на настаните ја доведува под знак прашалник иднината на компанијата Лајконет, фирма за мрежен маркетинг која работеше исклучиво за myWorld, објави порталот Фактор.мк.

Македонската подружница под притисок

Стечај е отворен над „maјWorld International AG“, сопственик и на „maјWorld Македонија“. Управител на македонската подружница е Радован Витошевиќ, кој до неодамна беше и оперативен директор на интернационалната компанија. Иако „Фактор“ се обиде да добие коментар од него, тој не одговорил.

И покрај проблемите на матичната компанија, „maјWorld Македонија“ продолжува со работа. Податоците покажуваат дека фирмата бележела раст на приходите во последните години, но и значителни осцилации во расходите. Во 2022 година остварила добивка од 66 илјади евра, во 2023 трипати поголема – 197 илјади евра, додека лани добивката изнесувала 45 илјади евра. Во моментот, компанијата има осуммина вработени.

Ставот на Зоран Витанов

За ситуацијата зборуваше и Зоран Витанов, долгогодишен претставник и акционер во „Лајконет Аустриа ГмбХ“, која е сопственик на „Лајконет Македонија“.

„Да, има активен стечај, меѓутоа на myWorld. Јас не сум релевантен да зборувам во нивно име. Лајконет е маркетинг агенција основана со единствена цел – да го промовира myWorld преку мрежен маркетинг. Но, бидејќи има само еден клиент кој сега е под стечај, автоматски и Лајконет престанува да функционира сè додека трае стечајната постапка,“ изјави Витанов за Фактор.

Судбината на империјата

Сопственик на главните фирми зад myWorld и Лајконет е Австриецот Хуберт Фрајдл, чијашто имотна состојба се проценува на околу 500 милиони долари. Сепак, и покрај богатството и меѓународниот опфат, банкротот на компанијата остава голема неизвесност за илјадници членови и корисници, меѓу кои и многу Македонци.