Мајка ми ми рече: Подобро биди далеку и среќен, отколку покрај мене несреќен

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мајка ми ми рече: Подобро биди далеку и среќен, отколку покрај мене несреќен – приказната на Милош од Куманово

24 август 2025

• од Станча Јаќимовски

Милош Младеновски (30) од Куманово, UX/UI и Visual Designer, веќе неколку години живее и работи во Осло, Норвешка. Иако неговото детство било исполнето со финансиски тешкотии, денес тој ја нарекува Норвешка свој дом и земја која му дала шанса за подобар живот.

Детство во сиромаштија и првите чекори кон дизајнот

Милош раскажува дека израснал во многу сиромашно семејство, каде што парите биле потреба, а не луксуз. Имал страст за компјутерска технологија и дизајн уште од мал, но немал можности да ја следи својата љубов додека татко му не почнал да работи во Авганистан.

„Татко ми ми донесе компјутер, мобилен и книги и ми рече: ‘Сега имаш сè што ти треба за да си заработуваш свои пари’. Тоа беа последните пари што ги добив од него, иако тогаш ми беше тешко, денес сум благодарен бидејќи ме натера сам да се борам,“ вели Милош.

Одлуката за преселба – карта во еден правец

На само 25 години тој донел одлука која му го променила животот. Разговарал со пријател кој веќе живеел во Норвешка и за само 15 минути решил да купи авионска карта во еден правец.

„Се вратив дома и ѝ кажав на мајка ми: ‘Мамо, јас за 4 дена одам за Норвешка’. На почеток ѝ беше тешко, но потоа ми рече дека е подобро да сум далеку и среќен, отколку до неа и несреќен,“ се присетува тој.

Поддршката од системот во Норвешка

Иако почетоците биле тешки, Милош успеал да се вклопи и да напредува. Тој објаснува дека Норвешка е земја што се грижи за своите жители – иако самиот сè уште нема државјанство.

„Имав сериозен здравствен проблем и додека во Македонија плаќав многу по приватни клиники, тука државата ми обезбеди над 100.000 евра за операција и секој месец по 3.500 евра за терапии. Дури и кога останав без работа, добивав 66% од мојата претходна плата, за да имам време да се снајдам,“ објаснува Милош.

Животот во Норвешка – можности и жртви

За него, Норвешка е земја на многу можности, но и правила кои мора да се почитуваат.

„Сите мислат дека тука е лесно да се заработуваат пари и да се живее квалитетно, и тоа е вистина. Но, секој успех бара жртви и труд. Ако сакаш да успееш во Норвешка, мораш да го прифатиш нивниот систем и да одиш по нивните правила,“ завршува Милош.

Целото интержйу про;итајте го тука: https://www.crnobelo.com/intervju/patuvame-so/104693-milosh-mladenovski-rastev-vo-siromashtija-vo-kumanovo-tatko-mi-raboteshe-vo-avganistan-morav-da-kupam-karta-vo-eden-pravec-za-norveshka