Мајката на Вања со потресно писмо до Судот: Вања ја нема – ми го убија детето на најбрутален начин

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мајката на Вања со потресно писмо до Судот: Вања ја нема – ми го убија детето на најбрутален начин

12 јуни 2025

• од Станча Јаќимовски

Зорица Ѓорчевска, мајката на трагично убиената 14-годишна Вања Ѓорчевска, преку својот адвокат достави емотивно писмо до Судот, во кое ја изразува својата длабока болка и разочараност од текот на судскиот процес и ставовите на обвинетите.

„Спушнавме различни теории на заговор, политички прогони, местенки, многу приговори, но за жал еден факт останува непобитен – Вања ја нема“, стои во писмото, кое адвокатот го приложи како дел од доказната постапка.

Во писмото, Ѓорчевска не се обраќа само како мајка, туку како човек што преживува неизмерна загуба.

„Ја киднапирале и ја однеле, ја убиле безмилосно на најбрутален начин, детето мое. (…) Ниту еден родител не смее да го доживее тоа што јас го доживеав. Да го испрати детето во училиште и по една недела да го најде во мртовечки сандак.“

Мајката во писмото ја опишува Вања како ведро и љубопитно дете, со интерес за историја, географија, стара музика и филмови. „Секое утро со музика се подготвуваше за на училиште и тоа утро, последното утро, стана, си ја пушти омилената песна и потпевнувајќи се подготви за училиште. Ја испратив до врата и ѝ реков: ‘Се слушаме мама подоцна’. Тоа беше последен пат да ја видам.“

Сепак, судечкиот совет не дозволи писмото целосно да биде прочитано во судницата. Претседателот на советот појасни дека, според законот, вакви лични изјави „не се однесуваат на околностите на кои што оштетените имаат право, а тоа се имотно-правното побарување и кривичниот прогон“.

Одлуката на Судот предизвика реакции кај присутните во судницата, особено меѓу блиските на Вања, кои оценија дека емотивниот крик на мајката заслужува да се чуе.

Судскиот процес за случајот продолжува, со јавноста внимателно следејќи го секој чекор. Трагичната судбина на Вања останува длабоко врежана во колективната меморија на македонската јавност.