Македонија пред демографска катастрофа: За 25 години ќе останеме со помалку од еден милион жители

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонија пред демографска катастрофа: За 25 години ќе останеме со помалку од еден милион жители

01 октомври 2025

• од Станча Јаќимовски

Македонија забрзано се празни, а иднината изгледа мрачна и неизвесна. На настанот „Демографски трендови – Заедничка акција за инвестирање и искористување на човечкиот капитал“ премиерот Христијан Мицкоски алармираше дека државата оди кон сигурен демографски колапс.

Податоците се застрашувачки – во 2024 година во земјава се родиле само околу 16 илјади бебиња, наспроти околу 50.000 новороденчиња во далечната 1950 година. Тоа е пад од повеќе од три пати во споредба со минатото, и тренд кој продолжува со загрижувачка динамика.

„За само пет години сме сведоци на рецесија од 5.000 бебиња. Тоа значи дека во блиска иднина ќе имаме стотици празни училници, десетици наставници без работа и генерации што исчезнуваат пред нашите очи,“ изјави Мицкоски.

Црна иднина за младите генерации

Ако денешните бројки продолжат да паѓаат, по 20 до 25 години Македонија ќе стане држава со помалку од еден милион жители. Тоа ќе значи дека секој вработен ќе мора да издржува по еден пензионер. Последиците? Колапс на пензискиот фонд, нефункционален здравствен систем и општество на стари луѓе без перспектива.

Во моментов, според проценките, во земјата реално живеат околу 1,5 милиони жители, што е шокантен пад наспроти официјалната статистика. Со вакво темпо, иднината изгледа како празна земја, со напуштени села и градови без живот.

Обиди за спас кои доаѓаат предоцна

Владата најавува мерки – повисоки плати, бесплатни учебници, шест бесплатни ин-витро постапки и изградба на градинки. Но критичарите предупредуваат дека тоа е само „крпење на рани“ и дека длабокиот проблем на масовна емиграција, ниска наталитетна култура и недоверба во државата не може да се реши со половични мерки.

Вицепремиерот Александар Николоски зборуваше за стимулирање на изградбата на куќи и инфраструктурни проекти за младите да останат во помалите места, но реалноста е дека секоја година десетици илјади млади луѓе го напуштаат Балканот барајќи достоинствен живот во странство.

Македонија на работ на исчезнување

Она што некогаш беше надежна земја со младо население, денес се претвора во тивка гробница на нереализирани соништа. Бројките се немилосрдни – иднината изгледа како земја без деца, без млади и без живот.

Ако не се преземат радикални чекори, Македонија ќе стане уште една исчезната точка на мапата на Европа – тивка, стара и заборавена.