Македонија старее и умира – повеќе погреби отколку раѓања последните 3 месеци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонија старее и умира – повеќе погреби отколку раѓања последните 3 месеци

27 август 2025

• од Станча Јаќимовски

Црната статистика и во второто тримесечје од 2025 година продолжува да ја сведочи суровата реалност: земјава бележи негативен природен прираст. Според податоците на Државниот завод за статистика, бројот на починати повторно го надмина бројот на новородени. Загубени сме за уште 1.135 луѓе.

Тивко исчезнување

Во овој период се родиле само 3.741 деца, што е пад од 4,2 % во однос на истиот квартал лани. Оваа бројка не е само статистика – таа е потсетник на празните училници, на гаснењето на селата и на иднината што сè повеќе се празни уште пред да започне.

Од друга страна, починале 4.876 лица, што претставува пораст од 1,2 % во споредба со второто тримесечје од 2024 година. Меѓу нив, 13 биле доенчиња – трагедија што остава тивка болка зад секое семејство.

Бракови и разводи – симболика без надеж

Иако во вториот квартал од 2025 година се склучени 2.792 бракови, што претставува раст од 8,1 %, оваа бројка не може да ја ублажи сликата на општество што демографски се празни. Дури и радосниот чин на создавање семејство изгледа беспомошен пред суровата статистика.

Истовремено, регистрирани се 545 разводи, што е мало зголемување, но доволно да потсети дека дури и таму каде што се создаваат нови заедници, многу од нив не опстануваат.

Земја што старее и исчезнува

Секоја нова статистика ја продлабочува загриженоста: Македонија старее, а младите што треба да ја носат иднината или се раѓаат сè помалку, или ја напуштаат државата. Повеќе погреби отколку крштевки, повеќе тишина отколку радост.

Негативниот природен прираст не е само бројка на хартија – тоа е крик на општеството што тивко умира.