Македонија увезува 70% од земјоделските производи – домашното производство во криза

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонија увезува 70% од земјоделските производи – домашното производство во криза

16 февруари 2025

• од Вардарски

И покрај тоа што Македонија се смета за аграрна земја, над 70% од земјоделските производи на македонските пазари се од увоз. Земјоделците предупредуваат дека оваа состојба ја прави државата економски ранлива, додека владата најавува нови реформи за зголемување на домашното производство.

Според официјалните податоци, Македонија најмногу увезува земјоделски производи од Албанија, Турција, Грција и Србија. Пазарите се преплавени со увозен зеленчук, додека домашните производи, како што се охридскиот домат, тетовското гравче, струмичките краставици и пиперките од Пелагонија, стануваат сè поретки.

Земјоделците ја лоцираат вината во лошите земјоделски политики, кои резултираа со намалено домашно производство, недостаток на субвенции и нерационално управување со земјоделските површини.

Еден од клучните проблеми со кои се соочува македонското земјоделство е големиот број необработени земјоделски површини. Ванчо Стојаноски, долгогодишен земјоделец, предлага зголемување на данокот за необработените површини, со цел сопствениците да бидат принудени да ги изнајмат или продадат по прифатливи услови. Дополнително, тој сугерира државата да воведе регистар на неискористено земјиште и да го доделува без надомест на активни земјоделци, како и да се стимулира консолидација на обработливите површини за постигнување поодржливо производство.

Министерот за земјоделство, Цветан Трипуновски, изјави дека владата е свесна за проблемите во земјоделството и најави засилена поддршка за земјоделците. Оваа година се планираат значителни олеснувања во процесот на субвенционирање, со помалку бирократија за земјоделците. Покрај тоа, за културите од стратешко значење ќе има зголемени субвенции, со цел да се стимулира зголемување на производството. Стратешките култури што ќе добијат приоритетни субвенции вклучуваат житарици (пченица, пченка), овошје и зеленчук (домат, пиперка, компир) и технички култури (сончоглед, тутун).

Овие мерки имаат за цел да ја намалат зависноста од увоз на земјоделски производи и да ги стимулираат локалните фармери. Дополнително, се планира поддршка за младите земјоделци, со надеж дека ќе се вратат на нивите и ќе придонесат за ревитализација на домашното земјоделство.