Македонија заглавена во правен мрак: Ниту закони, ниту правда

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонија заглавена во правен мрак: Ниту закони, ниту правда – само чекање по избори

30 август 2025

• од Станча Јаќимовски

Додека низ институциите кружат предлог-измени како хартиени сенки, граѓаните на Северна Македонија остануваат заробени во систем без ред и без надеж. Ниту „брзите и кратки“ измени на Кривичниот законик што ги најавуваше министерот за правда Игор Филков, ниту новиот Кривичен законик кој со години се „готви“ во работни групи, не се ни на повидок. Сè е замрзнато – ќе се решава „по избори“.

Судбината на правдата зависи од политички калкулации

Иако Уставниот суд даде рок, Собранието ветуваше измени, а Владата зборуваше за „силен фокус“ на реформи, ништо не е помрднато. Функционерите продолжуваат да уживаат во пониските казни, додека предметите против нив полека умираат во фиоките на обвинителствата. Наместо правда, народот гледа само бескрајни изговори, работни групи без резултат и „состаноци во тек“.

Неказнивоста станува норма

Штетата е веќе направена. Обвинителството е принудено да ги гони функционерите според старите одредби, со намалени казни што овозможуваат брзо застарување на делата. Случаите што некогаш беа во рацете на специјализираните обвинители сега се префрлени во основните обвинителства, каде нема ресурси, ниту експертиза. Европската комисија веќе предупреди дека последиците од овие измени се чувствуваат силно и денес – правната несигурност и чувството на неказнивост се продлабочуваат.

Владата и Собранието си ја префрлаат топката

Од Собранието велат дека ја завршиле својата работа и топката е кај Владата. Владата, пак, уверува дека „процесот е во тек“ и дека се работи на усогласување со ЕУ. Уставниот суд, иако најави укинувачка одлука, сега „чека одговор“. Сè е сведено на едно бескрајно чекање во кое единствените загубени се граѓаните.

Безизлезна перспектива

Дури и премиерот Мицкоски призна дека штетата од спорните измени не може да се поправи. Но, ниту тој, ниту Владата немаат волја да ја исправат неправдата. Македонија останува држава каде корупцијата се исплаќа, казните се смешно ниски, а функционерите безгрижно продолжуваат да управуваат.

Граѓаните, пак, можат да очекуваат само уште повеќе разочарувања и уште подолга агонија – бидејќи правдата е оставена „за по изборите“.