Македонската метална индустрија пред најголем предизвик досега

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонската метална индустрија пред најголем предизвик досега

28 декември 2025

• од Станча Јаќимовски

Металната индустрија во Северна Македонија се соочува со еден од најголемите предизвици во својата понова историја, откако Европската унија најави нови правила за намалување на квотите за увоз на челик. Мерките, кои треба да стапат на сила од следната година, предвидуваат преполовување на постојните квоти, а по нивно надминување – дуплирање на царинските стапки. Ова може да предизвика сериозни економски последици за македонските компании, кои во голема мера зависат од европскиот пазар.

Компаниите од металната индустрија се меѓу најголемите извозници во Европската унија. Според официјалните податоци, дури 70 проценти од вкупното производство на челик на компанијата „Макстил“ завршува на пазарите во ЕУ. Токму поради тоа, бизнис-заедницата алармира дека новите ограничувања директно ќе го загрозат опстанокот на индустријата.

Металниот сектор побара од државните власти итно да започнат преговори со официјален Брисел за одобрување на посебна квота за Северна Македонија. Барањето е земјата да добие можност за извоз од 70.000 тони челик на квартално ниво, количина која, според индустријата, е неопходна за непречено продолжување на производството.

„Загрижувачки се најавите за преполовување на тековните квоти и дуплирање на царините по нивното надминување. Ова е исклучително сериозно прашање. Доколку не се реши на политичко ниво и не се договори државна квота, тоа ќе значи уништување на нашето производство“, изјави Марија Дуковска Павловска.

Доколку Владата не успее да обезбеди специјален режим за земјава, постои ризик квотите што досега ги користеле македонските компании да бидат преземени од фабриките за челик од земјите членки на ЕУ. Од Владата потврдуваат дека веќе се во активна комуникација со европските институции и дека прашањето се разгледува на највисоко ниво.

„Република Северна Македонија е земја кандидат за членство во Европската Унија, со ратификуван Договор за стабилизација и асоцијација и целосно усогласена надворешна политика со ЕУ. Сметаме дека земјата заслужува исклучок од најавените правила и задржување на постојниот режим на квоти“, соопштија од Владата.

Металната индустрија има огромно значење за македонската економија. Во овој сектор се вработени неколку илјади лица, а само „Макстил“ обезбедува работа за околу 1.000 вработени и индиректно поддржува уште три до четири илјади работни места. Според проценките, компанијата учествува со околу два процента во вкупниот бруто домашен производ на државата.

Решението на ова прашање, предупредуваат експертите, ќе биде клучно не само за иднината на металната индустрија, туку и за економската стабилност на земјата во целина.