Македонски и бугарски студенти градат мостови на пријателство во Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонски и бугарски студенти градат мостови на пријателство во Европа

14 јули 2025

• од Станча Јаќимовски

Наспроти политичките недоразбирања меѓу Северна Македонија и Бугарија, млади луѓе од двете земји покажуваат дека дијалогот, разбирањето и соработката се можни – и неопходни. На Летното училиште со наслов „Да ја преосмислиме Европа заедно“, околу 30 студенти по политички науки и меѓународни односи од четири европски универзитети се собираат заедно за да разменуваат идеи и да учат едни од други.

Настанот, организиран од Француско-германското младинско биро, ги обедини студентите во интензивна програма што вклучува средби со политичари, дипломати, експерти и истражувачи од Европа и Балканот. Програмата се одвива во неколку балкански градови, вклучувајќи го Скопје, Приштина и Софија, а продолжува во наредните месеци со активности во Париз и Берлин.

Евгенија, студентка од Универзитетот „Св. Кирил и Методиј“ во Скопје, вели дека симулациската вежба, каде што македонските студенти ја претставувале Бугарија, а бугарските ја претставувале Македонија, била особено значајна. „Таа ни овозможи да ја видиме другата страна, да развиеме емпатија и да го гледаме конфликтот во поширок контекст“, вели таа.

Теодора од Нов бугарски универзитет во Софија додава: „Секогаш сме се разбирале со Македонците, никогаш не сме имале проблем. Успеав да ја слушнам другата страна, а тоа е најважното – да разбереш, за да можеш да најдеш решение.“

Во проектот учествуваат и студенти од Франција и Германија, кои го гледаат Балканот преку призмата на сопственото европско искуство. Лиза-Мари од Хумболтовиот универзитет во Берлин посочува: „Франција и Германија ја надминаа долготрајната вражда. Со нашето помирување покажавме колкава перспектива има соработката.“

Матео од Универзитетот за политички науки во Париз истакнува дека ова искуство ги зближило учесниците и културно ги збогатило. „Споделивме култури, создадовме пријателства со Македонци, Бугари, Германци. Тоа ни дава надеж за една поширока, обединета и здраво функционирачка Европа.“

Младите учесници на ова летно училиште гледаат со оптимизам кон иднината и веруваат дека политичарите ќе го слушнат и нивниот глас – гласот на една нова генерација која гради мостови, а не ѕидови.