Маричиќ: Молдавија го зазема местото на Македонија во евроинтеграциите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Маричиќ: Молдавија го зазема местото на Македонија во евроинтеграциите

12 мај 2025

• од Вардарски

Поранешниот вицепремиер за европски прашања, Бојан Маричиќ, во интервју за порталот „Рацин“ изрази загриженост за застојот на Македонија во процесот на евроинтеграциите, нагласувајќи дека Молдавија ја презема водечката улога што некогаш ѝ припаѓала на нашата земја.

„Молдавија денес е дел од новиот пакет земји кои се движат брзо кон ЕУ, заедно со Црна Гора и Албанија. Тоа е место што треба да го заземаме ние“, изјави Маричиќ, повикувајќи се на неговите лични искуства од работата на проширувањето во регионот.

Според него, Македонија е сега позиционирана меѓу земјите со замрзнати конфликти и несигурна европска перспектива, што е спротивно од некогашниот статус на успешна приказна во регионот.

„За жал, излеговме од групата на земји кои имаат позитивна и брза траекторија кон ЕУ. Молдавија е таа што го зазеде нашето место“, истакна Маричиќ.

Тој објаснува дека Молдавија, Црна Гора и Албанија се ставени на т.н. „брза лента“ во преговарачкиот процес, при што нивниот напредок потсетува на динамиката на големото проширување на Унијата од 2004 година, кога членки станаа земји како Бугарија и Романија.

„Нивните преговори течат извонредно забрзано. Се поминуваат поглавјата со темпо кое ретко се гледа во поновата историја на проширувањето“, додаде Маричиќ, потенцирајќи ја потребата Македонија да излезе од моменталниот ќорсокак и повторно да стане дел од групата земји со европска перспектива.