„Марш на ангелите“ во Кочани: Децата ги нема, виновните сè уште слободни

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Марш на ангелите“ во Кочани: Децата ги нема, виновните сè уште слободни

31 август 2025

• од Станча Јаќимовски

Кочани денеска повторно потона во црнина и очај. Дваесеттиот „Марш на ангелите“ не беше само потсетник на трагедијата во дискотеката „Пулс“, туку и жесток крик против држава која дозволи младоста да биде уништена. Родители, браќа, сестри и пријатели повторно излегоа на улиците, но не за да најдат утеха – туку за да ја изразат својата безизлезна болка и разочараност од институциите кои наместо правда, нудат молк и заштита за виновните.

„Нашите деца загинаа затоа што системот потфрли“

Со треперливи гласови и солзи во очите, семејствата порачаа пред Полициската станица во Кочани:
„Нашите деца загинаа затоа што системот потфрли, затоа што имало заштитници и соучесници во униформа. Виновните и денес се слободни, како ништо да не се случило.“

Ова не се само зборови на лутина – тоа е крик на луѓе кои изгубија сè, а државата не им врати ништо. Обвинителството и натаму молчи. Истражните постапки се одолговлекуваат. А граѓаните гледаат како беззаконието станува нормалност.

Марш низ градот – симбол на колективен очај

Маршот започна во Паркот на револуцијата, продолжи пред Општината и Полициската станица, за да заврши пред Основниот суд и Јавното обвинителство во Кочани. Илјадници чекори, но ниту еден чекор поблиску до правдата.

Пред Обвинителството, родителите јасно порачаа: ова не е борба само за нивните загубени деца, туку за секое дете во оваа држава. „Без независен и некорумпиран судски систем, без политичка одговорност, младоста пак ќе биде изложена на ризик. Нови трагедии ќе дојдат. Тоа е најстрашното сознание.“

Македонија – земја на повторливи трагедии?

Кочани денеска ја покажа болната вистина: живееме во држава во која децата умираат, а виновниците се заштитени. Во која судовите и обвинителствата не се инструменти на правдата, туку продолжена рака на корупцијата. Во која родителите на загинати деца мораат да маршираат дваесет пати за да добијат барем одговор – но ни тоа не го добиваат.

И додека ангелите се веќе одамна меѓу облаците, на земјата остана само празнината. Македонија повторно докажа дека знае да ја казни младоста – а да ги награди виновните со слобода.