Матурата ќе се полага во училишта со услови – останатите матуранти ќе полагаат на факултети

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Матурата ќе се полага во училишта со услови – останатите матуранти ќе полагаат на факултети

02 април 2025

• од Вардарски

Матурантите оваа година ќе ја полагаат државната матура во просториите на своите училишта, доколку тие ги исполнуваат потребните просторни услови. За училиштата кои не располагаат со соодветна инфраструктура, испитот ќе се спроведе на факултетите, информираа денеска Државниот испитен центар (ДИЦ) и Сојузот на средношколци.

Одлуката доаѓа по барање на средношколците, кои побараа полагањето да се одвива во училишните простории наместо во факултетски амфитеатри. Претседателот на Сојузот на средношколци, Берин Мухамед, заедно со директорката на ДИЦ, Даниела Јовчевска-Михајловска, појаснија дека приоритет се дава на училиштата кои ги исполнуваат стандардите утврдени во Правилникот за организирање на државната матура.

„Сите училишта кои можат да обезбедат простор со метар и половина растојание меѓу учениците, ќе може да ја организираат матурата во свои простории – како што се фискултурни сали или холови. За останатите, ќе обезбедиме алтернативни простори, најчесто на факултетите,“ изјави Јовчевска-Михајловска.

ДИЦ веќе ги повикал училиштата преку нивните матурски одбори да ги анализираат условите и да поднесат барање доколку не се во можност да ја организираат матурата според пропишаните стандарди. За оние кои веќе потврдиле дека немаат услови, веќе се бараат решенија и се подготвуваат просториите на факултетите, каде учениците нема да мора сами да носат клупи и столчиња, како што беше случај во претходните години.

Иако годинава нема да може да се имплементира идејата за блокатори на мобилни телефони и електронски уреди за време на испитите, од ДИЦ најавуваат дека оваа опција останува во плановите за иднина.

Средношколскиот лидер Берин Мухамед нагласи дека сите училишта низ државата ќе бидат третирани подеднакво – без разлика од кој град се. „Важно е средношколците да имаат точни информации. Сите училишта што имаат просторни услови ќе полагаат кај себе, а оние што немаат, ќе бидат сместени на факултети,“ рече тој.

Околу 15.000 матуранти се пријавени за државната матура оваа година. Екстерните испити се закажани за 31 мај и 11 јуни, а матурантите веќе работат на својата проектна задача – која заедно со интерните и екстерните испити го сочинува целокупниот процес на матурата.

ДИЦ веќе ги објави тестовите од минатите години со точни одговори, како подготвителен материјал за учениците.

Дополнително, со новиот Закон за средно образование, кој моментално се разгледува во Собранието, се очекуваат и новини во начинот на полагање државна матура, со различни модели прилагодени на гимназиско, стручно и уметничко образование.