Меџити го демантира Мицковски- немаме договор за менување на грбот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Меџити го демантира Мицковски- немаме договор за менување на грбот

14 февруари 2025

• од Вардарски

Вицепремиерот и министер за животна средина, Изет Меџити, вечерва во гостување во „24 анализа“ рече дека нема договор со ВМРО-ДПМНЕ за промена на државниот грб. Според него, иако во минатото имало договор за ова помеѓу Али Ахмети и Никола Груевски, грбот сепал не е сменет.

„Јавна тајна е дека имаше договор потпишан меѓу Ахмети и Груевски за да се смени грбот, но сега немаме договор со ВМРО-ДПМНЕ за промена на грбот и во принцип ние разговараме за сите прашања. Очигледно е дека и грбот и химната потекнуваат од комунистичко време и не ја одразуваат баш како што треба реалноста. Химната треба да одрази реалноста и да ги има и другите заедници и да ја чувствуваат сите граѓани како заедничка. Битката била заедничка. Да биде инклузивна и да се чувствуваат сите важни“, рече Меџити.

Тој рече дека отворено прашање е и албанскиот јазик, за кој, според него, формулацијата со 20 отсто е омаловажувачка и потценувачка за втората заедница во Македонија.

„Нас нè тангира тоа што сите знаеме дека 20% е за албанскиот јазик и тоа не е добро чувство за албанците и за албанскиот јазик. На републичко ниво втор јазик кој се зборува е албанскиот јазик, а на локално може и да има други јазици. Нас приоритет ни е албанскиот јаик кој е во дух и на Охридскиот рамковен договор“, додаде Меџити.