Меџити го поддржува протестот за екс-лидерите на УЧК, спротивно на ставот на премиерот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Меџити го поддржува протестот за екс-лидерите на УЧК, спротивно на ставот на премиерот

09 декември 2025

• од Станча Јаќимовски

Градоначалникот на Чаир и лидер на Демократско движење, Изет Меџити, соопшти дека ја поддржува иницијативата за одржување протест во знак на поддршка на поранешните водачи на косовската ОВК, закажан за 13 декември во Скопје. Тој истакна дека како прв човек на општината каде што е планиран собирот, ќе даде официјална согласност за негово одржување.

„Ќе дадеме согласност за одржување на протестот. Се надевам дека сè ќе помине добро“, изјави Меџити, но не прецизираше дали лично ќе присуствува на протестот на плоштадот Скендербег.

Поддршката од Меџити доаѓа по критиките на премиерот Христијан Мицкоски, кој претходно оцени дека најавата за протестот, дадена од лидерот на ДУИ Али Ахмети, е „погрешен потег“. Протестот е организиран во знак на солидарност со поранешните лидери на ОВК на кои им се суди во Хаг.

Мицкоски изјави дека смета оти Ахмети треба да ја преиспита одлуката за протестот, оценувајќи дека зад него стојат партиски мотиви.

„Со овој протест, тие се обидуваат да се мобилизираат пред партискиот конгрес, но само ќе докажат дека ќе им биде многу тешко да најдат коалициски партнер во иднина. Јас не ја поддржувам таа идеја и не се согласувам со тој протест. Убеден сум дека ниту ВЛЕН нема да го поддржи“, изјави премиерот.

Протестот, според најавите, треба да се одржи во центарот на Скопје, а засега останува неизвесно колкава поддршка ќе добие и дали ќе помине без тензии.