Меџити: Вистинската УЧК е симбол на чесност, труд и решавање на проблемите на народот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Меџити: Вистинската УЧК е симбол на чесност, труд и решавање на проблемите на народот

12 октомври 2025

• од Станча Јаќимовски

Коалицијата ВЛЕН вечерва одржа голем предизборен собир во општината Липково, каде што пред присутните граѓани зборуваше еден од лидерите на коалицијата и кандидат за градоначалник на општина Чаир, Изет Мехџити.

Во своето обраќање, Мехџити истакна дека албанските граѓани денес се политички позрели и очекуваат конкретни резултати, а не празна реторика и лажни ветувања.

„На парламентарните избори ќе зборуваме за државни прашања, но сега, на локалните избори, нашиот фокус се локалните проблеми и реалното подобрување на животот на граѓаните,“ рече Мехџити.
Тој потенцираше дека многумина од иселените не се враќаат ниту за одмор бидејќи недостигаат елементарни услови за живот. „Не сакаме да ги лажеме луѓето кои по изборите ќе останат без вода за пиење, без канализација или ќе се соочуваат со ризици како рудникот во Лојане,“ додаде тој.

„Парите за споменици ќе ги вложиме во општините и државата“

Мехџити нагласи дека ВЛЕН настапува со јасна програма, различна од политиките на минатите години кога, според него, „беа потрошени милијарда евра за споменици и корумпирани проекти“.

„Иако сега сме во коалиција со Мицкоски, за разлика од оние што беа со Груевски, ние ја почитуваме Охридската рамковна спогодба и милијардата евра ќе ја инвестираме во зајакнување на општините и државата,“ изјави Мехџити.
Тој додаде дека коалицијата успеала да го воведе Бадинтер принципот во буџетот, обезбедувајќи 30% средства за проекти што ќе придонесат за вистински промени. „Граѓанинот треба да ја види разликата меѓу нас и нив – неговиот глас треба да биде инвестиција во достоинство и развој,“ порача тој.

Повик за развој, а не за основни услови

Во продолжение, Мехџити нагласи дека целта на ВЛЕН е на следните избори веќе да не се зборува за елементарни услови, туку за развој и враќање на граѓаните во татковината.

„Сакаме да ги задржиме луѓето во нашата земја и оние што се во дијаспората да се враќаат со задоволство на одмор, а не од мака,“ истакна тој, притоа упатувајќи критики кон коалицијата АКИ, за која рече дека веќе не прави кампања со фолклорни пароли.

„АКИ повеќе не повикува на митинзи со ‘УЧК’, затоа што вистинската УЧК е во срцето на Липково – кај Нежмедин Садику, Лирим Јашари и Исмет Јашари. Тука е духот на албанството – не само со зборови, туку со дела и решавање на проблемите што траат со децении, како депонијата во Никуштак, каналот во Хасанбег и Харачино,“ заврши Мехџити.